გიორგი გიორგანაშვილი - პირველივე პროცესზე გადამეწურა იმედი, ამიტომ ვტოვებ სასამართლო დარბაზს

თბილისის სააპელაციო სასამართლოში, სადაც მსახიობ გიორგი გიორგანაშვილის პირველი ინსტანციის სასამართლოს მიერ გამოტანილი გამამტყუნებელი განაჩენის გასაჩივრების პროცესი მიმდინარეობს, ბრალდებულმა გიორგი გიორგანაშვილმა სხდომა დატოვა.

მან პროცესის დაწყებისას მოსამართლეთა კოლეგიას სთხოვა, რომ განცხადებას გააკეთებდა. მისი თქმით, დღეს სასამართლო სისტემა ქვეყანაში სამართლიანი არ არის და ამაში პირველივე ინსტანციის სასამართლოს გადაწყვეტილებითაც დარწმუნდა. აქედან გამომდინარე, ბრალდებულის თქმით, ვინაიდან მას სამართლიანობის იმედი არ აქვს დარბაზს ამ მოტივით ტოვებს.

გიორგი გიორგანაშვილის თქმით, საქართველოში ადამიანები სამართალს უკვე ქუჩაში დემონსტაციებით ეძებენ.

"რომელ სამართლიან სასამართლოზე ვლაპარაკობთ, როცა უარი მითხარით, მასალების გამოთხოვაზე იმ საფუძვლით, რომ გამოძიებას ხელი შეეშლებოდა. ადამიანებს უსამართლობა უბიძგებს, რომ ქუჩაში გადაინაცვლონ და სამართალი ეძებონ. პოლიციელის ჩვენებით, უდანაშაულო ადამიანის დამანაშავედ ცნობა ხდება. პირველივე პროცესზე გადამეწურა იმედი, როდესაც არც ერთი ჩვენი შუამდგომლობა არ დააკმაყოფილდა, ამიტომ ვტოვებ დარბაზს", - განაცხადა გიორგანაშვილმა.

შეგახსენებთ, რომ მსახიობ გიორგი გიორგანაშვილს (ბახალა) 8 წლით თავისუფლების აღკვეთა მიესაჯა.

მსახიობ გიორგი გიორგანაშვილს ბრალი განსაკუთრებით დიდი ოდენობით ნარკოტიკული საშუალებების შეძენა-შენახვისთვის წარუდგინეს. თავად ბრალდებული წარდგენილ ბრალს არ აღიარებს.

ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
ქართული პრესის მიმოხილვა 06.07.2020
ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
ყაზახეთის რესპუბლიკის ელჩი საქართველოში - ყაზახეთის მიღწევა: პირველი პრეზიდენტის ნ. ნაზარბაევის როლზე (R)
თიბისი იპოთეკური სესხების სუბსიდირების სახელმწიფო პროგრამაში ერთვება
როგორ ვლინდება ლაქტოზის აუტანლობა და რით შეგვიძლია ჩავანაცვლოთ ცხოველური რძე ბავშვთა კვებაში?
მაკა ასათიანი განცხადებას ავრცელებს
„მზადება ზაფხულისთვის“  (R)
"პროკრედიტ ბანკმა" საკუთარი მზის ელექტროსადგური წარადგინა