სალაფიტური თემის წარმომადგენელი მუსა გოდერძიშვილი პანკისის ხეობაში მიმდინარე აქციაზე ბიძინა ივანიშვილს საქმით დაინტერესებისკენ მოუწოდებს. მუსა გოდერძიშვილის განცხადებით, მხოლოდ ყოფილი პრემიერის ჩართულობით მოხდება სიმართლის დადგენა.
"მოთხოვნები უცვლელია. დღეს როდესაც მთავრობა აღარ გვყავს, დღეს, როდესაც აქამდე მოვედით, რომ 6 თვეზე მეტია სამართალს ვეძებთ, მივმართავთ ბიძინა ივანიშვილს, 2012 წელს ლოპოტას ამბებზეც სწორედ ეს ადამიანი დაგვპირდა თანადგომას. დღეს მხოლოდ მას შეუძლია ამ პროცესებში ჩაერთოს და ჩვენი და ქართველი ხალხის ტკივილი გულთან მიიტანოს. მას შეუძლია ჩვენ სამართალი გვაპოვნინოს", - აღნიშნა მუსა გოდერძიშვილმა.