ზაზა სარალიძე - მე და მაჩალიკაშვილებს ერთი დიდი ტკივილი გვაერთიანებს - ჩვენ დაგვიხოცეს შვილები და სამართალს ვერ ვპოულობთ

მე დღეს ჩამოვედი აქ, რადგან მე და მაჩალიკაშვილებს გვაერთიანებს ერთი დიდი ტკივილი - ჩვენ დაგვიხოცეს შვილები და სამართალს ვერ ვპოულობთ, - ამის შესახებ ხორავას ქუჩაზე მოკლული მოზარდის მამამ, ზაზა სარალიძემ პანკისის ხეობაში, სოფელ დუისში მიმდინარე აქციაზე განაცხადა.

როგორც ზაზა სარალიძემ აღნიშნა, მისი სურვილია შეხვდეს ახალ პრემიერ-მინისტრს და მოითხოვს, რომ მან პირადად გააკონტროლოს მისი შვილის და მაჩალიკაშვილის საქმე.

„დღეს, როდესაც ხელისუფლება არ გვყავს, ვერანაირ ვადას ვერ დავაწესებთ, მაგრამ ახალ პრემიერ - მინისტრს შევხვდები და მოვითხოვ, პირადად გააკონტროლოს ეს ორი საქმე. მე მხარდაჭერას ვუცხადებ ქისტ ხალხს“, -განაცხადა ზაზა სარალიძემ.

პანკისში აქცია მიმდინარეობს. ადგილობრივები სოფელ დუისში შეიკრიბნენ და სპეცოპერაციის დროს მოკლული 19 წლის თემირლან მაჩალიკაშვილის უდანაშაულოდ ცნობას ითხოვენ.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 21.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს