მამუკა ბახტაძე - აუცილებელია სახელმწიფოს მმართველობითი უწყებების და სტრუქტურების მოდერნიზაცია

იმისთვის, რომ გამოწვევებს ეფექტურად ვუპასუხოთ, აუცილებელია სახელმწიფოს მმართველობითი უწყებების და სტრუქტურების მოდერნიზაცია, - ამის შესახებ პრემიერ-მინისტრობის კანდიდატმა, მამუკა ბახტაძემ საპარლამენტო უმრავლესობასთან შეხვედრისას განაცხადა.

ბახტაძე ამ წუთებში დეპუტატებს სამთავრობო პროგრამას - “თავისუფლება, სწრაფი განვითარება, კეთილდღეობა“ აცნობს.

“მე ნამდვილად არ მსურს, რომ ჩემი დღევანდელი შეხვედრა იყოს მონოტონურ რეჟიმში და სავსე მხოლოდ პოლიტიკური პოსტულატებით. ჩემი სურვილია, რომ კიდევ ერთხელ, თითოეულმა ჩვენთაგანმა კარგად გავიაზროთ თუ რა გამოწვევებია დღეს ჩვენი ქვეყნის წინაშე და რა უნდა იყოს ჩვენი ამოცანები, მიზნები და პოლიტიკა, რომ ამ გამოწვევებს ადეკვატურად და ეფექტურად ვუპასუხოთ. მე მინდა პირდაპირ გითხრათ, რომ ჩემი შეხედულებით, იმისთვის, რომ ამ გამოწვევებს ეფექტურად ვუპასუხოთ, აუცილებელია სახელმწიფოს მმართველობითი უწყებების და სტრუქტურების მოდერნიზაცია. საჭიროა იმდაგვარი მოდერნიზაცია, რომელიც საშუალებას მოგვცემს ვიყოთ უფრო ოპერატიულები ჩვენს გადაწყვეტილებებში, უფრო ეფექტურები და რაც მთავარია ვიყოთ ეფექტურები იმაში, რომ ვიდრე ამ გადაწყვეტილებიდან მიღებული სიკეთე მივა მოქალაქემდე, ეს დრო მაქსიმალურად იყოს დამოკლებული. ეს არის ძალიან მნიშვნელოვანი. მე ვფიქრობ, რომ ჩვენ გვჭირდება აქტიური პოლიტიკა რეფორმების გატარების თვალსაზრისით და ჩვენ გვჭირდება ისეთი მოქნილი, მაგრამ ამავე დროს მცირე ზომის სტრუქტურები, რომლებიც უზრუნველყოფენ ამ ამოცანის შესრულებას“, - განაცხადა მამუკა ბახტაძემ.

პაატა ზაქარეიშვილი - რუსეთი ცხინვალის რეგიონში აქტიურობით ცდილობს აიძულოს საქართველო რაღაც ფორმით გადავიდეს მოსკოვთან დიალოგის ფორმატზე
ქართული პრესის მიმოხილვა 16.09.2019
მეთიუ ბრაიზა - დიდი პრობლემაა, რომ დონალდ ტრამპი ხშირად არც კი უსმენს მის მთავარ მრჩევლებს, რომლებიც ამბობენ - „ყურადღება მიაქციეთ საქართველოს“
დენიელ ფრიდი - ამერიკა არც „პროსააკაშვილურია“ და არც „პროივანიშვილური“, ჩვენ საქართველოს მხარეს ვართ
სუპერმარკეტების ქსელი „მაგნიტი“ გრანდიოზულ წამახალისებელ გათამაშებას იწყებს
გალფი ტურისტული ზონების დასუფთავების მასშტაბურ აქციას იწყებს