ქუთაისში, სოციალური საცხოვრისის ბინადრები მერიის წინ შეიკრიბნენ და მერთან შეხვედრას ითხოვენ. აქციის მიმდინარეობისას ორი მათგანი შეუძლოდ გახდა და სასწრაფო სამედიცინო დახმარება გამოიძახეს. მათ ადგილზე უტარდებათ დახმარება.

სოციალური საცხოვრისის მცხოვრებლებთან შეხვედრაზე მზადყოფნას გამოთქვამს ქუთაისის მერის მოადგილე იუზა უგულავა, თუმცა მოქალაქეები აცხადებენ, რომ იუზა უგულავას უკვე შეხვდნენ და მისი პასუხი იციან, ამიტომ ამჯერად მერთან შეხვედრას მოითხოვენ.

აქციის მონაწილეები აცხადებენ, რომ შენობა ავარიულია და შენობიდან მათ გაყვანას მოითხოვენ.