მამუკა ბახტაძე - მე ჩემი თანხა „ნაციონალური მოძრაობისთვის“ არასდროს გადამირიცხავს

მე ჩემი თანხა არასდროს გადამირიცხავს „ნაციონალური მოძრაობისთვის, - ამის შესახებ პრემიერ-მინისტრობის კანდიდატმა მამუკა ბახტაძემ პარლამენტში ფრაქცია „ნაციონალური მოძრაობის“ სხდომაზე განაცხადა, რითაც თინა ბოკუჩავას შეკითხვას უპასუხა იმის შესახებ, შესწირა თუ არა 2012 წელს 20 000 ლარი „ნაციონალურ მოძრაობას“.

„მე ჩემი თანხა არასდროს გადამირიცხავს „ნაციონალური მოძრაობისთვის“. თქვენ, 2012 წელს, „ქართულ ოცნებას“ რომ არ ჰქონოდა საშუალება პარტია ადეკვატურად დაეფინანსებინა, შეცვალეთ კანონი და იურიდიულ პირებს პარტიების დაფინანსება აუკრძალეთ. ამას მოჰყვა შემდეგ უკვე საბანკო საქმიანობის შესახებ კანონში ცვლილება. აქედან გამომდინარე, ჩემი პირადი ფიზიკური ანგარიში იქნა გამოყენებული მხოლოდ ტექნიკურად“, - განაცხადა მამუკა ბახტაძემ.

„ნაციონალურ მოძრაობასთან“ იდეოლოგიური თანხვედრის შესახებ დასმული კითხვის პასუხად ბახტაძემ აღნიშნა, რომ ის 2011 წლიდან დღემდე „ქართული ოცნების“ მხარდამჭერია.

„რაც შეეხება თქვენს მიერ დასმულ შეკითხვას იდეოლოგიურ თანხვედრაზე - მე 2011 წლიდან ვიყავი და ვარ „ქართული ოცნების“ მხარდამჭერი, 2012 წელს ვიყავი დაკავებული ძალიან მნიშვნელოვანი საორგანიზაციო საკითხებით „ქართულ ოცნებაში“ და 2012 წლის 1-ელ ოქტომბერს მთელ ქართველ ერთან ერთად ვიზეიმე თქვენი გასტუმრება საქართველოს ხელისუფლებიდან“, - განაცხადა მამუკა ბახტაძემ.

"ჩემი პირადი ანგარიშის გამოყენება მოხდა ტექნიკურად" - მამუკა ბახტაძის პირველი კომენტარი მის მიერ "ნაციონალური მოძრაობის" 20 000 ლარით დაფინანსების შესახებ

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს