მამუკა ბახტაძე კერძო სექტორის ჩართულობით, ახალი საბაჟო და საგადასახადო კოდექსის შექმნის ინიციატივით გამოდის

პრემიერ-მინისტრობის კანდიდატი მამუკა ბახტაძე კერძო სექტორის ჩართულობით, ახალი საბაჟო და საგადასახადო კოდექსის შექმნის ინიციატივით გამოდის.

როგორც ბახტაძემ პარლამენტში, სამთავრობო პროგრამის წარდგენისას განაცხადა, დღეს ბიზნესს ძალიან აწუხებს გადაწყვეტილების ოპერატიულობა, მათ შორის იმ შემთხვევებში, როდესაც საქმეები იხილება სასამართლოში.

პრემიერობის კანდიდატის თქმით, მომზადებულია საკანონმდებლო ცვლილებები, რომელთა მიხედვითაც, საერთო სასამართლოების სისტემაში ჩამოყალიბდება კომერციული პალატები.

„პალატები სპეციალიზებული იქნება კომერციული და საგადასახადო საქმეების განხილვაზე. შესაბამისად, რეფორმების შედეგად, მკვეთრად გაიზრდება მართლმსაჯულების ხარისხი და სისწრაფე, კომერციულ და საგადასახადო დავებზე. ეს არის ძალიან მნიშვნელოვანი რეფორმა, რომელსაც ქართული ბიზნესი ელოდება და ის უნდა განვახორციელოთ რაც შეიძლება მალე. ეს იქნება ერთ-ერთი პირველი ინიციატივა, რომელსაც ჩვენ აუცილებლად დავნერგავთ. იგივე შემიძლია გითხრათ გადახდისუუნარობის სისტემის რეფორმაზე, აქაც ჩვენ გვაქვს ძალიან მნიშვნელოვანი კომპონენტი. ჩვენ გვაქვს ძალიან მნიშვნელოვანი კომპონენტი იმისათვის, რომ საბაზრო ეკონომიკა განვავითაროთ ეფექტურად. გადახდისუნარიანობის ეფექტური სისტემის ქონის გარეშე ბუნებრივია საბაზრო ეკონომიკის განვითარება ვერ იქნება ბოლომდე წარმატებული. ერთ-ერთი მნიშვნელოვანი ეკონომიკური ხასიათის რეფორმა, რომელიც ასევე მინდა გაგიზიაროთ, ეხება კიდევ ერთ მნიშვნელოვან მომენტს, რომელიც, რომელსაც ეფუძნება ჩვენი ბიზნესგარემო - ეს გახლავთ ჩვენი საგადასახადო და საბაჟო კოდექსი, რომელიც ვეღარ პასუხობს იმ გამოწვევებს და იმ მოლოდინებს, რომელიც დღე არის ჩვენს საზოგადოებაში, ის არის მოძველებული. შესაბამისად, ჩემი ინიციატივაა, ღია პლატფორმაზე, კერძო სექტორთან ერთად შევქმნათ ახალი საბაჟო და საგადასახადო კოდექსი“, - განაცხადა მამუკა ბახტაძემ.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
სილქნეტი მედიასივრცეში გავრცელებულ ბოლოდროინდელ ბრალდებას ეხმიანება სატელეკომუნიკაციო ბაზარზე ოლიგოპოლიასთან დაკავშირებით
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს