პალესტინელმა რადიკალებმა ღაზას სექტორიდან გასული ღამის განმავლობაში ისრაელის მიმართულებით სულ მცირე 45 რაკეტა გაუშვეს. 7 რაკეტა ისრაელის საჰაერო თავდაცვამ ჩამოაგდო, 3 კი დასახლებულ პუნქტებში, მათ შორის ერთი საბავშვო ბაღში ჩამოვარდა. ამის შესახებ ისრაელის თავდაცვის ოფიციალურმა წარმომადგენელმა ჯონატან კონრიკუსმა განაცხადა.
მისივე განცხადებით, ღამითვე ისრაელის სამხედრო თვითმფრინავებმა ღაზას სექტორში ორგანიზაცია „ჰამასის“ 25 სამხედრო სამიზნეზე მიიტანეს იერიში.
„ამ ობიექტებს შორის არის „ჰამასისთვის“ ძალიან ღირებული, მათ შორის მიწისქვეშა საწვრთნელი ბანაკი. ყველაფერზე, რაც ღაზას სექტორში ხდება და აგრესიის ყველა აქტზე პასუხისმგებლობა სწორედ „ჰამასს“ ეკისრება“, - განაცხადა კონრიკუსმა.