რომის პაპმა ფრანცისკემ აშშ-ს პრეზიდენტის დონალდ ტრამპის ადმინისტრაციის საიმიგრაციო პოლიტიკა გააკრიტიკა. „როიტერსთან“ ინტერვიუში რომის პაპმა აღნიშნა, რომ ოჯახების განცალკევების პოლიტიკას ვერ მოიწონებს და პოპულიზმით მიგრაციის პრობლემა მსოფლიოში ვერ გადაწყდება.
„ეს ძალიან რთული საკითხია, თუმცა პოპულიზმით ამ საკითხს ვერ მოაგვარებ“, - განაცხადა რომის პაპმა.
შეგახსენებთ, რომ დონალდ ტრამპის ადმინისტრაცია აპირებს განაცალკევოს მექსიკის ტერიტორიიდან არალეგალურად შემოსული ოჯახები - უფროსები ციხეში გააგზავნოს, ბავშვები კი - სახელმწიფო თავშესაფრებში.