მეუფე იაკობის წინააღმდეგ მიხეილ რამიშვილის სარჩელის განხილვა ხვალიდან დაიწყება

მეუფე იაკობის წინააღმდეგ ადვოკატ მიხეილ რამიშვილის სარჩელის განხილვა სასამართლოში ხვალიდან დაიწყება. როგორც „ინტერპრესნიუსს“ მიხეილ რამიშვილმა განუცხადა, თბილისის საქალაქო სასამართლო მის სარჩელს ხვალ არსებითად განიხილავს. რამიშვილი მეუფე იაკობს იმ განცხადების გამო უჩივის, რომელიც მეუფემ ერთ-ერთ ეთერში გააკეთა და მიხეილ რამიშვილი სანდრო გირგვლიანის საქმეში, რომელზეც ის ოჯახის ადვოკატად გამოდიოდა, ჩანერგილ აგენტად მოიხსენია.

ხვალინდელ სხდომაზე მოსამართლე მხარეებს სასამართლო განხილვის გარეშე მორიგებას შესთავაზებს, თუმცა როგორც ადვოკატი ამბობს, ის არანაირ მორიგებას არ დათანხმდება. სარჩელით მიხეილ რამიშვილი მეუფე იაკობისგან განცხადების უარყოფასა და მორალური ზიანის ანაზღაურებას ითხოვს. როგორც რამიშვილი ამბობს, ის კონკრეტულ თანხას, თუ რამდენს მოითხოვს ზიანის ასანაზღაურებლად, ხვალ დაასახელებს.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 21.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
პრემიუმ ხარისხის მინების ყველაზე მსხვილი იმპორტიორი კომპანია „ჯეო გლასს“ საკუთარ მომხმარებლებს სიახლეს სთავაზობს
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს