ჩვენს ქვეყანას ეყოლება ღირსეული პრემიერმინისტრი, რომელიც, დარწმუნებული ვარ, ძალიან დიდი წარმატებით გაუძღვება ქვეყნის მართვის საქმეს, - ამის შესახებ პარლამენტის თავმჯდომარე ირაკლი კობახიძემ საქართველოს პარლამენტის მიერ მთავრობის შემადგენლობისთვის ნდობის გამოცხადების შემდეგ განაცხადა.

პარლამენტის თავმჯდომარემ დღე შეაჯამა და აღნიშნა, რომ დღის მთავარი მოვლენა მამუკა ბახტაძისთვის პრემიერმინისტრის თანამდებობაზე ნდობის გამოცხადება იყო.

„დღევანდელი დღის მთავარი მოვლენა იყო მამუკა ბახტაძისთვის ნდობის გამოცხადება პრემიერმინისტრის პოზიციაზე და მე მოხარული ვარ, რომ ამ პოზიციას იკავებს ღირსეული ადამიანი. ღირსეული პრემიერმინისტრი ეყოლება ჩვენს ქვეყანას, რომელიც, დარწმუნებული ვარ, ძალიან დიდი წარმატებით გაუძღვება ქვეყნის მართვის საქმეს. ეს იყო ძალიან მნიშვნელოვანი გადაწყვეტილება. ჩვენ გადავდივართ ჩვენი ქვეყნის განვითარების ახალ ეტაპზე და მე მინდა, ძალიან დიდი წარმატებები ვუსურვო მამუკა ბახტაძეს პრემიერმინისტრის თანამდებობაზე“, - განაცხადა ირაკლი კობახიძემ.