პარლამენტის ადამიანის უფლებათა დაცვის კომიტეტმა “ბავშვის კოდექსი“ მოამზადა

ადამიანის უფლებათა დაცვის კომიტეტის ფარგლებში “ბავშვის კოდექსი“ მომზადდა. “ბავშვის კოდექსის” პროექტის განხილვა დღეს სამუშაო ჯგუფში გაიმართება.

როგორც “ინტერპრესნიუსს“ კომიტეტის თავმჯდომარემ სოფო კილაძემ განუცხადა, “ბავშვის კოდექსის“ მთავარი ხაზი არის ბავშვის უფლებების განმტკიცება ეროვნული ინტერესებისა და საერთაშორისო სტანდარტების გათვალისწინებით.

დეპუტატის განმარტებით, შემუშავებული დოკუმენტი აღიარებს ოჯახის განსაკუთრებულ როლს ბავშვის აღზრდისა და კეთილდღეობისათვის მნიშვნელოვანი გარემოს უზრუნველყოფაში. მისივე თქმით, აღიარებულია, რომ ბავშვი, მისი პიროვნების სრული და ჰარმონიული განვითარებისათვის უნდა იზრდებოდეს ოჯახურ გარემოში, იმისათვის, რომ მომზადდეს საზოგადოებაში დამოუკიდებელი ცხოვრებისათვის და აღიზარდოს მშვიდობის, ღირსების, შემწყნარებლობის, თავისუფლების, თანასწორობისა და სოლიდარობის სულისკვეთებით.

“ძლიერდება ოჯახი და იქმნება გარანტიები ბავშვის ოჯახურ გარემოში აღზრდის ხელშეწყობისთვის. იქმნება ბავშვის მხარდაჭერის სისტემა, რაც ხელს შეუწყობს ბავშვებს, მათ შორის გარკვეული პრობლემების მქონე ბავშვების საზოგადოებაში სრულფასოვან ინტეგრაციას. იქმნება სამართლებრივი საფუძველი სახელმწიფოს მხრიდან ბავშვის მოხალისეობის პროგრამების წახალისების. იქმნება სისტემა ბავშვის ძალადობისგან დაცვის, ასევე, შშმ ბავშვთა მხარდაჭერისთვის. მნიშვნელოვანი კომპონენტია ბავშვის დაცვა საჯარო სივრცეში, რომელიც მოიაზრებს ბავშვის დაცვას მავნე ზეგავლენისგან ალკოჰოლის და ნარკოტიკის, კლუბების და გასართობი დაწესებულებების, თამბაქოსა და სხვ. ასევე, ბავშვის დაცვა მედია სივრცესა და ინტერნეტში, მათ შორის, მავნე ზეგავლენის მქონე განსაკუთრებულად უხამსი და ძალადობრივი ინფორმაციის შემცველი ფილმების, საჯარო კინოჩვენებების, ბეჭდური მედიის და ა.შ. შემთხვევებში. იქმნება სტანდარტები ბავშვის მომვლელისათვის. იქმნება სამართლებრივი საფუძველი ბავშვების ჯგუფური ტრანსპორტირების (ექსკურსიების) დროს უსაფრთხოების უზრუნველყოფისთვის. ხდება ბავშვთან დაკავშირებული უფლებამოსილებების დეცენტრალიზაცია, უფლება-მოვალეობების დიდი ნაწილის ადგილობრივი თვითმმართველობისთვის გადაცემა. იქმნება კონტროლის მექანიზმები, რომელიც უზრუნველყოფს იმ დაწესებულებების უწყვეტ მონიტორინგს, რომლებიც ახორციელებენ ბავშვთა დაცვის სხვადასხვა პროგრამებს. ძლიერდება სახალხო დამცველის ინსტიტუტი, რომელიც აღჭურვილი იქნება უფლებამოსილებით, რომ დაადგინოს ბავშვის საკითხებთან დაკავშირებული დარღვევები და შეიმუშაოს ოქმი, რომელიც შესაბამისი დაწესებულებების მიმართ მოამზადებს ოქმს, რომლის საფუძველზეც სასამართლო დააკისრებს კონკრეტულ უწყებას შესაბამის სახდელს ან საქმე გადასცეს შესაბამის (მათ შორის, სამართალდამცავ) სტრუქტურებს რეაგირებისთვის“, - განუცხადა “ინტერპრესნიუსს“ სოფიო კილაძემ “ბავშვის კოდექსის“ პროექტზე საუბრისას.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს