დავით ზალკალიანი - არანაირ დემარკაციაზე საუბარი არ შეიძლება იყოს, კატეგორიულად მიუღებელია ეს ტერმინი

ყველანაირი ბარიერი უნდა გაიხსნას იმისთვის, რომ ოკუპირებული ხაზის მეორე მხარეს მცხოვრებ მოქალაქეებს ჰქონდეთ წვდომა სიკეთეებზე, - ამის შესახებ საგარეო სამეთა მინისტრმა დავით ზალკალიანმა განაცხადა, რითაც ცხინვალის საოკუპაციო რეჟიმის განცხადებას გამოეხმაურა, სადაც საუბარია ოკუპირებული ცხინვალის მიერ ე.წ. საზღვრის დემარკაციის მიზნით კომისიის შექმნაზე.

“პირველ რიგში ვიტყვი, რომ კატეგორიულად მიუღებელია ტერმინ დემარკაციის გამოყენება, არანაირ დემარკაციაზე საუბარი არ არსებობს, ეს არის ნონსენსი, საერთაშორისო სამართლის ფუნდამენტური ნორმების დარღვევა და ჩვენ პირიქით, ყველა შეხვედრაზე ძალიან მწვავედ, კატეგორიულად ვაყენებთ მიუღებლობას მავთულხლართების გავლების, ადამიანების გატაცების და ამ საკითხზე მუდმივად გვაქვს კომუნიკაცია ჩვენს პარტნიორებთან და ჟენევის თანათავმჯდომარეებთან”, - განაცხადა ზალკალიანმა.

მინისტრის თქმით, ბარიერების აგების ნაცვლად, უნდა გაიხსნას ყველანაირი გზა, იმისათვის, რომ ოკუპირებული ხაზის მეორე მხარეს მყოფ მოქალაქეებს ჰქონდეთ წვდომა იმ სიკეთეებზე, რაც გააჩნია საქართველოს დარჩენილ, მთლიან მოსახლეობას.

“ამ ადამიანებს ჩვენ ვთავაზობთ იმ პროცესებს, რომელიც გათვალისწინებულია საქართველოს ევროკავშირში ინტეგრაციის კუთხით, ღრმა და ყოვლისმომცველი თავისუფალი ვაჭრობით, განათლებაზე წვდომის კუთხით. ეს შეთავაზება არის ვალიდური მხოლოდ იმ პირობებში, როცა იქნება ყველანაირი ბარიერი აღებული და არანაირ დემარკაციაზე საუბარი არ შეიძლება იყოს, კატეგორიულად მიუღებელია ეს ტერმინი”, - განაცხადა დავით ზალკალიანმა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს