აშშ-ს პრეზიდენტი დონალდ ტრამპი ივლისში ევროპის ტერიტორიაზე რუს კოლეგა ვლადიმერ პუტინთან შეხვედრას გეგმავს. ამის შესახებ საკუთარ წყაროებზე დაყრდნობით სააგენტო Bloomberg იუწყება.

გამოცემის ინფორმაციით, შეხვედრა ევროპაში ტრამპის ვიზიტის დროს უნდა შედგეს. რაც შეეხება მისი ჩატარების თარიღს, განიხილება ორი ვარიანტი. ტრამპი-პუტინის შეხვედრა შეიძლება შედგეს 11 ივლისისთვის დაგეგმილ ნატო-ს ბრიუსელის სამიტამდე ან 13 ივლისისთვის, დიდ ბრიტანეთში ტრამპის ვიზიტის შემდეგ.

თეთრ სახლში გავრცელებული ინფორმაციის შესახებ კომენტარი ჯერ არ გაუკეთებიათ.