ინდოეთის ცენტრალურ ნაწილში, მადჰია-პრადეშის შტატში ორი ავტომობილის შეჯახებას 12 ადამიანი ემსხვერპლა. ამის შესახებ ადგილობრივი პოლიცია იუწყება.

ავტომობილი, რომლითაც ერთი ოჯახის წევრები გასვენებაში მიემართებოდნენ, ავტომაგისტრალზე სატვირთო ავტომობილს შეეჯახა. დაიღუპა 12 და დაშავდა 8 ადამიანი, მათ შორის 2 დაშავებულის მდგომარეობას ექიმები კრიტიკულს უწოდებენ.