ზაზა სარალიძე და „ადამიანის უფლებათა ცენტრის“ იურისტები დიპლომატიური კორპუსის წარმომადგენლებს ხვდებიან

ხორავას ქუჩაზე მოკლული მოზარდის, დავით სარალიძის მამა ზაზა სარალიძე და „ადამიანის უფლებათა ცენტრის“ იურისტები დიპლომატიური კორპუსის წარმომადგენლებს ხვდებიან.

ზაზა სარალიძის ინფორმაციით, იურისტებთან ერთად ის დიპლომატებს ხორავას ქუჩაზე მკვლელობის საქმის შესახებ ინფორმაციას მიაწვდის.

შეხვედრა დახურულ კარს მიღმა იმართება. შეხვედრის დაწყებამდე მედიისთვის კომენტარი არ გაკეთებულა.

შეხვედრა „ადამიანის უფლებათა ცენტრის“ და ზაზა სარალიძის ინიციატივით იმართება.

შეგახსენებთ, რომ ხორავას ქუჩაზე ორი მოზარდი 1-ელ დეკემბერს დაჭრეს. ლევან დადუნაშვილი საავადმყოფოში მიყვანამდე გარდაიცვალა, დავით სარალიძე კი ექიმების მცდელობისა და რამდენიმე ოპერაციის ჩატარების მიუხედავად, 2 დეკემბერს, საავადმყოფოში გარდაიცვალა.

არასრულწლოვანის, ლევან დადუნაშვილის განზრახ მკვლელობაში დამნაშავედ ცნობილ გ.ბ-ს სასამართლომ 10 წელი 6 თვე მიუსაჯა, ხოლო დამამძიმებელ გარემოებაში არასრულწლოვან დავით სარალიძის განზრახ მკვლელობის მცდელობაში ბრალდებულ გ.ჯ.-ს 9 წელი და 9 თვე მიესაჯა.

თორნიკე ჯანაშვილი - ქვეყანა ღრმა ეკონომიკურ კრიზისშია  და მომავალ წელს უფრო მძიმე  კრიზისის  წინაშე  შეიძლება აღმოვჩნდეთ
ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 10.08.2020
სევრის ხელშეკრულების 100 წლისთავი
„მოედანი“ - პროექტი, რომელიც ავლაბარს ახალ სიცოცხლეს შესძენს
ამერიკული სტეიკის მასტერკლასი ბათუმში