ხელვაჩაურის მუნიციპალიტეტში ახალშენის ცენტრში მდებარე კულტურის სახლის სარეაბილიტაციო სამუშაოები აქტიურად გრძელდება, - ამის შესახებ „ინტერპრესნიუსს“ ხელვაჩაურის მუნიციპალიტეტის მერიიდან აცნობეს. მათივე ინფორმაციით, ამჟამად ახალშენის კულტურის სახლის რეაბილიტაციის მეორე ეტაპის სამუშაოები მიმდინარეობს.
„ობიექტი ადაპტირებული იქნება სსმ პირებისთვის. ადგილობრივი ბიუჯეტიდან სამუშაოებისთვის 469 469 ლარია გამოყოფილი, რომელსაც ტენდერში გამარჯვებული შპს „ფელიქსი“ აწარმოებს. შენობის დარბაზი 600 ადამიანზეა გათვლილი.
ნახევარსაუკუნოვან შენობას კაპიტალური რემონტი პირველად უტარდება“, - ნათქვამია ინფორმაციაში.