რუხის სავაჭრო ცენტრმა ფესტივალის „გზა ეთობისკენ - რუხი 2018“-ის ფარგლებში „X ფაქტორის“ მონაწილეებს უმასპინძლა

რუხის სავაჭრო ცენტრმა ფესტივალის „გზა ეთობისკენ - რუხი 2018“-ის ფარგლებში მეგა-შოუ „X ფაქტორის“ მონაწილეებს უმასპინძლა. როგორც „ინტერპრესნიუსს“ „საპარტნიორო ფონდიდან“ აცნობეს, მეგა-შოუ „X ფაქტორის" მონაწილეებმა რუხის სავაჭრო ცენტრში შეკრებილი საზოგადოებისთვის ცნობილი ჰიტები შეასრულეს. ფესტივალში მონაწილეობა ადგლობრივმა ბენდმა UNDER 7- მა მიიღო. ფესტივალი ენგურის ხიდიდან 600 მეტრში „საპარტნიორო ფონდისა“ და მისის შვილობილი კომპანია „რუხის სავაჭრო ცენტრის“ ინიციატივით, ასევე, სამეგრელო ზემო სვანეთის სამხარეო ადმისტრაციისა და ზუგდიდის მუნიციპალიტეტის მერიის მხარდაჭერით, მიმდინარეობს. რუხის სავაჭრო ცენტრში სპორტულ-კულტურული ღონისძიებები 15 ივლისამდე გასტანს.

რუხის სავაჭრო ცენტრში ერთთვიანი ფესტივალი კულტურულ, სპორტულ და საგანმანათლებლო აქტივობებს მოიცავს. იგეგმება სხვადასხვა მუსიკალური მიმდინარეობის კონცერტები, ფესტივალები, კონკურსები, შეჯიბრებები, მარათონი, დაჯილდოვებები, ფილმების ჩვენება, საბავშვო ღონისძიებები და ფეხბურთის მსოფლიო ჩემპიონატის მატჩების პირდაპირი ტრანსლირება.