მამა ლონგინოზ სუარიშვილი - მეუფე შიოსთან დაკავშირებით პატრიარქის ბრძანებაში ზოგიერთმა საფრთხე დაინახა სიტყვებში - „პატრიარქის მოსაყდრე“ და არა „საპატრიარქოს ტახტის მოსაყდრე“

შემიძლია გითხრათ, რომ აბსოლუტურად დამაკმაყოფილებელი აღმოჩნდა სინოდის ყველა წევრისთვის ის განმარტებები, რომელიც პატრიარქის მოსაყდრის მიმართ არსებობდა და დღეს არავითარი კითხვა აღარ არსებობს, – ამის შესახებ „პალიტრანიუსის“ გადაცემაში „360 გრადუსი“ მამა ლონგინოზ სუარიშვილმა განაცხადა.

სასულიერო პირის თქმით, სინოდის დღევანდელ სხდომაზე ერთ-ერთი განსახილველი საკითხი სწორედ მოსაყდრის თემა იყო. მისივე ინფორმაციით, სასულიერო პირთა ნაწილი მოითხოვდა შესულიყო კორექტირება პატრიარქის განცხადებაში, რომელიც მოსაყდრედ მეუფე შიოს დანიშვნას გულისხმობდა.

„სინოდის ერთ–ერთი მთავარი და აქტუალური საკითხი მეუფე შიოსთან დაკავშირებული საკითხი იყო პატრიარქის იმ ბრძანებასთან დაკავშირებით, რომელიც უწმინდესმა 2017 წლის 23 ნოემბერს საჯაროდ წაიკითხა. ამ განცხადებაში აღნიშნული იყო, რომ მეუფე შიო დასახელებული იყო საქართველოს კათოლიკოს-პატრიარქის მოსაყდრედ. ზოგიერთმა პიროვნებამ საფრთხე დაინახა სიტყვებში - „პატრიარქის მოსაყდრედ“ და არა „საპატრიარქოს ტახტის მოსაყდრედ“. უშუალოდ პატრიარქის მოსაყდრე ნიშნავს, რომ როდესაც ქვეყანას მოქმედი პატრიარქი ჰყავს, თანამმართველად მეორე ადამიანი ჰყავს. ნაწილმა მოითხოვა ამის კორექტირება, რომ განესაზღვრა როგორც ტახტის მოსაყდრე და არა პიროვნების. პატრიარქს ამის აბსოლუტური უფლება აქვს, რომ მისი გადადგომის ან გარდაცვალების შემდეგ, დროებით მმართველად დაენიშნა ის, ვინც გაუძღვებოდა სათავეში კრებას, რომელიც ახალ კანდიდატს გამოარჩევდა“, - აღნიშნა ლონგინოზ სუარიშვილმა.

ზოგიერთმა პიროვნებამ ამაში საფრთხე დაინახა – მამა ლონგინოზ სუარიშვილი პატრიარქის მოსაყდრეზე

ლევან დოლიძე - სირიაში მოვლენების განვითარება დამოკიდებულია იქნება იმაზე, რამდენად კოორდინირებულად იმოქმედებს ნატო, აშშ და თურქეთი, თუმცა, საქართველოში სირიიდან მიგრანტების დიდ ნაკადს არ ველი
ქართული პრესის მიმოხილვა 28.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში
სასიამოვნო სიურპრიზი „ტოიოტასგან“ საავტომობილო რბოლის მოყვარულთათვის
ადგილობრივი სასტუმროების ჯგუფური და ინდივიდუალური დაჯავშნის ონლაინ პლატფორმა HOTEL HUB GEORGIA ბაზარზე ოპერირებას ამიერიდან HOTEL HUB GROUP-ის სახელით გააგრძელებს
„ბადაგონს“ საუკეთესო ქართული ღვინის კომპანიის სტატუსი მიენიჭა
GM Pharma-ს („ჯი-ემ-პი“) ხარისხის ახალი ISO სერტიფიკატი გადაეცა
სამსუნგმა Galaxy S20 სერია წარადგინა
PSP პირველი ჩაერთო გაეროს განვითარების პროგრამის პროექტში „სოციალური დაცვის სისტემის გარდაქმნა შეზღუდული შესაძლებლობის მქონე პირებისთვის“