გია ვოლსკი - არასამთავრობო ორგანიზაციებისთვის საპროკურორო საბჭოს მართვის გადაცემა სახელმწიფო მართვის არასწორ გაგებას ნიშნავს

არასამთავრობო ორგანიზაციებისთვის საპროკურორო საბჭოს მართვის გადაცემა სახელმწიფო მართვის არასწორ გაგებას ნიშნავს, - ამის შესახებ საპარლამენტო უმრავლესობის ერთ-ერთმა ლიდერმა გია ვოლსკიმ ჟურნალისტებს პრემიერ-მინისტრისა და ბიუროს უმრავლესობის წევრების შეხვედრის დასრულების შემდეგ განუცხადა.

„არასამთავრობო ორგანიზაციების წინადადებები განსახილველია, მაგრამ არ მგონია, რომ პარლამენტი, სახელმწიფოს შესაბამისი სტრუქტურები უნდა იყვნენ ამ სერიოზული სეგმენტის მართვიდან ჩამოცილებული და ეს სეგმენტი უნდა გადაეცეს მთლიანად არასამთავრობო ორგანიზაციებს, რაც, ჩემი აზრით, სახელმწიფო მართვის არასწორ გაგებას ნიშნავს“, - განაცხადა ვოლსკიმ.

არასამთავრობო ორგანიზაციების ნაწილი მთავარი პროკურორის არჩევის წესში ცვლილებებს, მანამდე კი მისი შერჩევის პროცესის შეჩერებას ითხოვს.

„აღმოსავლეთ პარტნიორობის სამოქალაქო საზოგადოების ფორუმის“ საქართველოს კოორდინატორმა, ლაშა ტუღუშმა დღეს განმარტა, რომ არასამთავრობოების ნაწილმა პარლამენტში დაარეგისტრირა კანონპროექტი, რომლითაც პროკურორის არჩევის წესის და საპროკურორო საბჭოს დაკომპლექტების წესის ცვლილებაა გათვალისწინებული.

„გაუგებარია ასევე, თუ რატომ უნდა იყვნენ დეპუტატები საპროკურორო საბჭოს წევრები. ეს საბჭო არის ერთპარტიული და რა სიკეთის მომტანიც არის, კარგად ვხედავთ. შეიძლება ვისაუბროთ პროკურორების რიცხვზეც საპროკურორო საბჭოში და ეს ძალიან ბევრია. ეს მოდელიც უნდა შეიცვალოს. გვაქვს კიდევ წინადადებები, მაგალითად, საპროკურორო საბჭოში არ უნდა იყვნენ დეპუტატები, არც მოსამართლეები და უნდა იყვნენ პროკურორები, მაგრამ არა იმდენი, რამდენიც დღეს არის -ორი წარმომადგენელი უნდა იქნას არჩეული ომბუდსმენის აპარატთან არსებული კომისიის მიერ, ასევე პარლამენტი უნდა მონაწილეობდეს გარკვეული ფორმით - ნახევარს უნდა ირჩევდეს უმრავლესობის დეპუტატები და ნახევარს ოპოზიცია, ხოლო მათი წარმომადგენლები უნდა იყვნენ აკადემიური წრეების წარმომადგენლები, მეცნიერები და ადვოკატები. ეს მოდელი არის შეთავაზებული, კანონი არის დარეგისტრირებული და უნდა დავიწყოთ დისკუსია", - განაცხადა ტუღუშმა.

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 24.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა