გეგმური სარეაბილიტაციო სამუშაოების გამო, „ენერგო-პრო ჯორჯიას“ აბონენტების ნაწილს დღეს ელექტროენერგიის მიწოდება შეეზღუდება.

როგორც „ინტერპრესნიუსს“ კომპანია „ენერგო-პრო ჯორჯიადან“ აცნობეს, 10:00-დან 16:00 საათამდე ელექტროენერგიის მიწოდება შეეზღუდება 3796 აბონენტს თიანეთის რაიონის სოფლებში: წეროვანი, ქვემო არტანი, დულუზაურები, გოჯიაანები, მამადაანები და მიმდებარე სოფლებში; 11:15-დან 13:15 საათამდე - 714 აბონენტს ყაზბეგის რაიონის სოფლებში: სნო, აჩხოტი, ახალციხე, სტაფანწმინდა, ჯუთა, გარბანი და მიმდებარედ.

სარეაბილიტაციო სამუშაოების დასრულებისთანავე, ელექტროენერგიის მიწოდება ჩვეულ რეჟიმში აღდგება.