სერგი კაპანაძე - ხორავას ქუჩაზე მომხდარ მკვლელობასთან დაკავშირებით არის ძალიან ბევრი კითხვა, რომელზეც პასუხები არ ჩანს

ხორავას ქუჩაზე მომხდარ მკვლელობასთან დაკავშირებით არის ძალიან ბევრი კითხვა, რომელზეც პასუხები არ ჩანს და ეს ეხება როგორც ერთი მიმართულებით წაყვანილ გამოძიებას, ისე მომდევნო საგამოძიებო მოქმედებებს, რომელიც იქნა, ან არ იქნა ჩატარებული, - ამის შესახებ ხორავას ქუჩაზე მომხდარი მკვლელობის საქმეზე შექმნილი კომისიის თავმჯდომარემ, სერგი კაპანაძემ სხდომის დაწყებამდე განაცხადა.

"კომისიამ მუშაობა უკვე დაიწყო, ჩვენ გავეცანით ყველა მასალას, რომელიც ჩვენთან შემოვიდა და ვიწყებთ ახსნა-განმარტებების მოსმენას. გვაქვს ძალიან ბევრი კითხვა და მე დარწმუნებული ვარ, ამ კითხვებზე პასუხების გაცემით ნათელი მოეფინება იმას, თუ რა მოხდა ხორავას ქუჩაზე და რატომ არ იქნა ბოლომდე მიყვანილი ეს საქმე. ამ კითხვებზე პასუხები არის უაღრესად მნოშვნელოვანი", - განაცხადა სერგი კაპანაძემ.

მისივე თქმით, დღევანდელი სხდომის შემდეგ გადაწყდება, თუ ვინ იქნება დაბარებული გამოკითხვაზე ორშაბათს და სამშაბათს და იქნება თუ არა მათ შორის ყოფილი მთავარი პროკურორი ირაკლი შოთაძე.

"ამ პროცესის მიმართ არც ერთი ადამიანი არ იქნება იმუნიტეტის მქონე. არის ძალიან ბევრი კითხვა, რომელზეც პასუხები არ ჩანს და ეს ეხება როგორც ერთი მიმართულებით წაყვანილ გამოძიებას, ისე მომდევნო საგამოძიებო მოქმედებებს, რომელიც იქნა ან არ იქნა ჩატარებული", - განაცხადა სერგი კაპანაძემ.

დღევანდელ სხდომაზე გარდაცვლილი მოზარდების მშობლებს და მათ ადვოკატებს მოუსმენენ.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
სილქნეტი მედიასივრცეში გავრცელებულ ბოლოდროინდელ ბრალდებას ეხმიანება სატელეკომუნიკაციო ბაზარზე ოლიგოპოლიასთან დაკავშირებით
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს