სარალიძეების ოჯახის ადვოკატს, ნესტან ლონდარიძეს მოლოდინი აქვს, რომ კომისიის ფორმატში კონკრეტული შედეგი იქნება მიღწეული. ამის შესახებ ლონდარიძემ პარლამენტში ხორავას ქუჩაზე მომხდარ მკვლელობასთან დაკავშირებით შექმნილი საგამოძიებო კომისიის სხდომის დაწყებამდე განაცხადა.

"ჩვენ რომ აქ ვართ, ეს უკვე იმას ნიშნავს, რომ ჩვენ გვაქვს მოლოდინი, რომ კომისიის ფორმატში მიღწეული იქნება შედეგი. სხვანაირად ჩვენ არ ვითანამშრომლებდით და აქ არ ვიქნებოდით. პრობლემა ბევრი მხრივ არის, ისევე როგორც საგამოძიებო მოქმედებების მხრივ, სასამართლო პროცესის წარმოების დროს, ასევე ექსპერტიზის ჩატარების დროს. კითხვები ძალიან მრავალმხრივია. ჩვენ ვითხოვთ ყველა იმ პირის პასუხისმგებლობას, ვინც არა მარტო მონაწილეობდა საქმეში, არამედ ვინც ხელი შეუწყო იმას, რომ დღეს მივიღეთ ასეთი გართულებული პროცედურები. ეს არის აუცილებელი იმისათვის, რომ მივიღოთ სამართლიანი მართლმსაჯულება ქვეყანაში", - განაცხადა ნესტან ლონდარიძემ.