ნარკოტიკების მოხმარების შედეგად გარდაცვლილი ადამიანებისთვის, გარკვეულ შემთხვევებში, ეკლესიური წესის აგება შესაძლებელი იქნება

ნარკოტიკული ნივთიერებების ზემოქმედების დროს გარდაცვლილი ადამიანებისთვის, გარკვეულ შემთხვევებში, ეკლესიური წესის აგება შესაძლებელი იქნება.

ამჟამად იშვიათი გამონაკლისის გარდა, ნარკოტიკული ნივთიერების ზემოქმედების შედეგად გარდაცვლილი პირებისთვის წესის აგება არ ხდება, ვინაიდან აღნიშნული თვითმკვლელობად განიხილება.

როგორც „ინტერპრესნიუსს“ საპატრიარქო ტახტის მოსაყდრის თანაშემწემ, დეკანოზმა ანდრია ჯაღმაიძემ განუცხადა, წმინდა სინოდის გუშინდელი განჩინებით, სპეციალურად ამ საკითხებზე წმინდა სინოდის მიერ შექმნილი კომისია იმსჯელებს.

„ეს იქნება მსჯელობის საგანი, თუ როგორ მოიქცნენ სასულიერო პირები ასეთ შემთხვევებში. ვფიქრობ, გარკვეული დიფერენცირება იქნება სხვადასხვა შემთხვევებში. წინასწარ ვერ გეტყვით. ალბათ, ამასთან დაკავშირებით კონკრეტიკა იქნება, როგორ მოიქცეს სასულიერო პირი. აღნიშნულიდან გამომდინარე ითქვა, რომ შეიქმნება კომისია და გაგრძელდება მსჯელობა. წმინდა სინოდის სხდომაზე ეს საკითხი დაისვა და საჭიროებს გარკვეულ კონკრეტიკას“, – განაცხადა დეკანოზმა ანდრიამ.

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 24.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა