ზაზა სარალიძე - ვეძებ სამ გოგოს, რომლებიც უნდა შესწრებოდნენ ხორავას ქუჩაზე ჩხუბს და საქმის მასალებში არ ფიგურირებენ

ვეძებ სამ გოგოს, რომლებიც უნდა შესწრებოდნენ ხორავას ქუჩაზე ჩხუბს და საქმის მასალებში არ ფიგურირებენ, - ამის შესახებ ზაზა სარალიძემ ხორავას ქუჩაზე მომხდარი დანაშაულის შედეგად ორი ახალგაზრდის მკვლელობის ფაქტის შემსწავლელი დროებითი საგამოძიებო კომისიის სხდომაზე, იმ კითხვის საპასუხოდ განაცხადა, ხომ არ არიან საქმეში ისეთი ფიგურანტები, ვინც შეიძლება ფლობდნენ ინფორმაციას, მაგრამ დაკითხულები არ არიან.

„ვეძებ სამ გოგოს, რომლებიც უნდა შესწრებოდნენ ჩხუბს. სამწუხაროდ, არ ვიცი სახელები და გვარები. ამ ბავშვებზე მეზობლები ამბობენ, რომ ეს გოგოები დარბოდნენ და წიოდნენ და კიოდნენ“, - განაცხადა სარალიძემ.

მისივე აზრით, გამოძიებას სათანადოდ არ გამოუკვლევია ა.ს.-მ რა მისწერა მიხეილ კალანდიას ჩხუბის წინ. ასევე, სათანადოდ არ მოხდა თ.ნ.-ის და ციბაძის გამოკითხვა. გარდა ამისა, სარალიძე აცხადებს, რომ საქმეზე დართულ ფარულ ვიდეოჩანაწერებს შორის ა.ს და მიხეილ კალანდიას ჩანაწერი არ არის, რის მიზეზადაც პროკურატურა ზემოაღნიშნული ბავშვების მიერ გამოძიებასთან თანამშრომლობას ასახელებს. ზაზა სარალიძე პროკურატურის არგუმენტს საეჭვოდ მიიჩნევს.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
სილქნეტი მედიასივრცეში გავრცელებულ ბოლოდროინდელ ბრალდებას ეხმიანება სატელეკომუნიკაციო ბაზარზე ოლიგოპოლიასთან დაკავშირებით
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს