ზაზა სარალიძე - სამხარაულის ექსპერტიზის ბიუროს დასკვნა გასაუქმებელია და ხელახლაა ჩასატარებელი

სამხარაულის ექსპერტიზა გასაუქმებელია და ხელახლაა ჩასატარებელი, - ამის შესახებ ხორავას ქუჩაზე მოკლული მოზარდის მამამ, ზაზა სარალძემ პარლამენტში, დროებითი საგამოძიებო კომისიის სხდომაზე განაცხადა.

ზაზა სარალიძემ იმ გარემოებებზე ისაუბრა, რაც, მისი თქმით, კითხვის ნიშნებს აჩენს ექსპერტიზის ეროვნული ბიუროს მიერ დადებულ დასკვნაში.

„სამხარაულის ექსპერტიზა გასაუქმებელია და ხელახლაა ჩასატარებელი, რაც სამწუხაროდ, აღარ ჩატარდება. გასაუქმებელია იქიდან გამომდინარე, რომ იქ კონკრეტულად არაფერზე არ არის საუბარი.

ექსპერტს კითხეს, შესაძლოა თუ არა იდენტური დანები დაახლოებით 5 ყოფილიყო გამოყენებული ჩემი შვილის ნაწილში, მან თქვა, რომ არ გამოვრიცხავო, შესაძლებელიაო. აქედან გამომდინარე, ეს დასკვნა აბსურდულია.

ამასთან, სამხარაულის ექსპერტიზამ დამალა და არ იმსჯელა ტანსაცმელზე არსებულ დაზიანებებზე, რომელიც პირდაპირ გამორიცხავდა მხოლოდ და მხოლოდ დანების მოქმედებას.

დაზიანებული იქნა საქმეში არსებული ერთ-ერთი დანა, რომელიც, როგორც თვითონ განმარტეს, დაზიანდა საექსპერტო მოქმედების დროს. გამოცადეს მუყაოზე, ქაღალდსა და ნაჭერზე. რომელმა მუყაომ გაღუნა დანის წვერი? გასთვალისწინებელია, რომ ამ დანას ედავებოდნენ ჩემი შვილის ნაწილში 10 ჭრილობას და ლევანის შემთხვევაში ნეკნის გატეხვას. ამ ჭრილობებმა ვერ გაღუნეს და მუყაომ გაღუნა? ეს იყო მიზანმიმართულად დაზიანებული დანა.

არ იყო გამოკვლეული ლევან დადუნაშვილის შარვალზე მიშხეფებული სისხლი. ვის ეკუთვნის არ არის დადგენილი.

როგორ მოხდა, რომ დანაზე, რომელსაც ჩემი შვილის დაჭრაშიც ფიგურირებს, ჩემი შვილის დნმ პროფილი წაიშალა და ლევან დადუნაშვილის დარჩა?

ამომწურავი პასუხი ექსპერტიზის ბიუროს არაფერზე არ გაუცია“, - განაცხადა ზაზა სარალიძემ.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 23.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
ქართული ყავის კომპანია „მეამა“-ს შენობა საერთაშორისო არქიტექტურული კონკურსის სამეულშია
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს
პრემიუმ ხარისხის მინების ყველაზე მსხვილი იმპორტიორი კომპანია „ჯეო გლასს“ საკუთარ მომხმარებლებს სიახლეს სთავაზობს