ზესტაფონის მუნიციპალიტეტს „ჯორჯიან მანგანეზმა“ დასუფთავების სპეციალური ტექნიკა გადასცა. როგორც „ინტერპრესნიუსს“ ზესტაფონის მუნიციპალიტეტიდან აცნობეს, „ჯორჯიან მანგანეზმა“ ზესტაფონის მუნიციპალიტეტის დასუფავების სამსახურს HOWO-ს ფირმის დასუფთავების სპეციალური ტექნიკა გადასცა. სპეცტექნიკის ღირებულება 103 137, 65 ლარია და ძირითადად ქალაქის დასუფთავებას მოემსახურება.

ზესტაფონის მუნიციპალიტეტის მერმა, კახაბერ მახათაძემ კომპანიას საჩუქრისათვის მადლობა გადაუხადა.

„ჯორჯიან მანგანეზი“ ჩვენი მუდმივი პარტნიორი და არაერთი სასიკეთო საქმის მოთავეა. მსგავსი სპეცტექნიკა მუნიციპალიტეტს არ ყავს და მისასალმებელია მათი მხრიდან გამოჩენილი კეთილი ნება, რისთვისაც მადლობას ვუხდით კომპანიის ხელმძღვანელობას“, - განაცხადა კახაბერ მახათაძემ.

„ჯორჯიან მანგანეზის“ დირექტორის, ვასილ გველესიანის თქმით კი, „კომპანია პასუხისმგებლობას და ვალდებულებას გრძნობს ქალაქის წინაშე, რაც საქმით არაერთხელ გამოხატეს და სამომავლოდაც მრავალ საინტერესო იდეას განახორციელებენ.