დეკანოზი მიქაელ ბოტკოველი - მეუფე შიოსთვის მინიჭებული საპატრიარქო ტახტის მოსაყდრის სტატუსი არსობრივად იგივეა, ფუნქციურად არაფერი შეცვლილა

მეუფე შიოსთვის მინიჭებული საპატრიარქო ტახტის მოსაყდრის სტატუსი არსობრივად იგივეა, თუმცა ფორმულირებაა სხვაგვარი“, – ამის შესახებ „ინტერპრესნიუსს“ პატრიარქის მდივანმა, დეკანოზმა მიქაელ ბოტკოველმა განუცხადა.

დეკანოზმა კომენტარი გააკეთა წმინდა სინოდის გუშინდელ განჩინებაზე, რომლითაც მეუფე შიო მომავალში პატრიარქის მოსაყდრის ნაცვლად საპატრიარქო ტახტის მოსაყდრედ მოიხსენიება.

„ჩვენ არ გვაქვს ასეთი პრეცედენტი, რომ მეუფე შიო პატრიარქის სიცოცხლეშივე იყოს მოსაყდრე. ამიტომ, შევთანხმდით, რომ ასე უმჯობესია – საპატრიარქო ტახტის მოსაყდრედ იწოდებოდეს. პატრიარქის მოსაყდრე იქნებოდა იმ შემთხვევაში, თუ პატრიარქი იქნებოდა ქმედუუნარო ან როდესაც ის ამ ქვეყნად აღარ იქნებოდა. ამიტომ, ამით მეუფე შიოს სტატუსი დაკონკრეტდა. ფუნქციურად არაფერი შეცვლილა. მეუფე შიო პატრიარქისგან რა დავალებებსაც იღებდა, იმავეს შეასრულებს“, – განაცხადა პატრიარქის მდივანმა.

მამა მიქაელის თქმით, მღვდელმთავრების ნაწილი პატრიარქის მოსაყდრის სტატუსთან დაკავშირებით დაზუსტებას ითხოვდნენ.

„ამასთან, მეუფე შიოს სკუფიაზე ბრილიანტის ჯვრის ტარების უფლება მიეცა. ანუ, ეს მის უპირატესობაზე მიანიშნებს“, – განაცხადა დეკანოზმა მიქაელმა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს