აკაკი ზოიძე - ნარკოპოლიტიკის შემუშავების პროცესში საზოგადოების ყველა ჯგუფის, მათ შორის ეკლესიის შეხედულებებს გავითვალისწინებთ

ნარკოპოლიტიკის შემუშავების პროცესში საზოგადოების ყველა დიდი ჯგუფის, მათ შორის ეკლესიის შეხედულებებს და დამოკიდებულებას გავითვალისწინებთ - ეს ისეთი საკითხია, რომელიც საზოგადოების ყველა ფენას და მთლიანად საზოგადოებას ეხება, - აღნიშნული განცხადებით პარლამენტის ჯანდაცვის კომიტეტის თავმჯდომარე აკაკი ზოიძე ნარკოპოლიტიკის საკითხზე წმინდა სინოდის პოზიციას გამოეხმაურა.

როგორც ზოიძემ ჟურნალისტებთან საუბრისას აღნიშნა, იმ პირობებში, როდესაც სახელმწიფოს ნარკოდამოკიდებული პირებისთვის პროფესიული, სამკურნალო და სარეაბილიტაციო მომსახურება და სერვისები არ გააჩნდა, ეკლესიას ძალიან დიდი როლი ჰქონდა.

“მათი რეაბილიტაცია ხშირ შემთხვევაში სწორედ ეკლესიის წიაღში ხორციელდებოდა. დღეს სახელმწიფოს შეუძლია და პარლამენტში კონკრეტული საკანონმდებლო პაკეტია წარდგენილი, სადაც მსჯელობა სწორედ დეკრიმინალიზაციასთან დაკავშირებით მიმდინარეობს. მე საპატრიარქოს პოზიციას აქაც მივესალმები, რომ ქვეყანაში სამკურნალო-სარეაბილიტაციო სერვისები უნდა განვითარდეს. უნდა იყოს საგანმანათლებლო, მასობრივი სპორტის და ჯანსაღი ცხოვრების წესის პროპაგანდის პროგრამები, რომელიც ჩვენი ნარკოპოლიტიკის რეფორმის კონცეფციის ერთ-ერთი უმთავრესი შემადგენელი ნაწილია. ის, რომ ბრძოლა გამსაღებლებთან უნდა გამკაცრდეს, ესეც ჩვენი ნარკორეფორმის შემადგენელი ნაწილია. ნარკომომხმარებელი მხოლოდ მოხმარებისთვის ციხეში არ უნდა იჯდეს, რაც ასევე საპატრიარქოს პოზიციაა. ამიტომ ამ კუთხით თანხვედრა აბსოლუტურია“, - განუცხადა ჟურნალისტებს აკაკი ზოიძემ.

გარდა ამისა, ზოიძემ ხაზგასმით აღნიშნა, რომ დღევანდელ მოცემულობაში ის მარიხუანას მოხმარების ლეგალიზაციის სასტიკი წინააღმდეგია, რადგან როდესაც პრევენცია არ არსებობს, ლეგალიზაცია დაუშვებელია.

თამარ ჩუგოშვილი - მე მგონი, ადამიანი არ დადის, ვისაც სჯერა, რომ უცებ მოხდა ამბოხი უმრავლესობაში - თვალში ნაცარი არავის უნდა შევაყაროთ
ქართული პრესის მიმოხილვა 14.12.2019
ვახტანგ ძაბირაძე  -  თუ სახელმწიფოს მართვის სისტემის შეცვლა გინდა, იმ გზას კი არ უნდა გადიოდე, რომელიც შენმა წინამორბედმა გაიარა
კომპანია „ფრეგოს“ მთავარი ინვესტორი განცხადებას ავრცელებს
„კავკასუს როუდ პროჯექტმა“ ბიზნეს პროცესების ავტომატიზაცია BDO-სთან პარტნიორობით განახორციელა
"Sarajishvili 2020" - უნიკალური გემოსა და დიზაინის მქონე სასმელი ამაღლებული საახალწლო განწყობისთვის
საფეხბურთო კლუბი „სამტრედია“ უმაღლეს ლიგაში გადავიდა
Archdaily „ლისი დეველოპმენტის“ პროექტების შესახებ სტატიას აქვეყნებს
ჩინური კომპანია POWERCHINA/SINOHYDRO 202-ე უსინათლო ბავშვთა საჯარო სკოლას ეწვია