ზაზა სარალიძე - ვხედავ თეა წულუკიანის გადადგომის აუცილებლობას

ხორავას ქუჩაზე მოკლული მოზარდის მამა, ზაზა სარალიძე მიიჩნევს, რომ შინაგან საქმეთა მინისტრი გიორგი გახარია და იუსტიციის მინისტრი თეა წულუკიანი თანამდებობაზე არ უნდა დარჩნენ. ამის შესახებ სარალიძემ პარლამენტში განაცხადა.

"გიორგი გახარია თანამდებობისთვის სრულიად შეუფერებელია, თუნდაც იმიტომ, რომ გამოძიება მისმა უწყებამ დაიწყო და კვირიკაშვილთან თავი იმართლა, საქმე პროკურატურამ მალე წაიღოო. მერე წულუკიანმა თქვა, რომ გახარიას უწყება იძიებდა საქმეს დღემდე. ვფიქრობ, არც ერთია დასატოვებელი მინისტრად და არც მეორე. მე ვხედავ წულუკიანის გადადგომის აუცილებლობას, რადგან წულუკიანის დანიშნული იყო შოთაძე და ტაშს უკრავს ახლაც. შოთაძეს რომ წვლილი მიუძღვის ამ საქმეში, იმდენი ვის მიუძღვის, ანუ წულუკიანსაც მიუძღვის. გახარიამ არც კი მომისმინა. თუ მოქალაქეებს არ უსმენს, აბა ვის უსმენს?!", - განაცხადა სარალიძემ.

პარლამენტში ხორავას ქუჩის მკვლელობასთან დაკავშირებით შექმნილ საგამოძიებო კომისიაში ზაზა სარალიძეს და მის ადვოკატებს მოუსმინეს. ამ დროისთვის კი კომისიის წევრები დადუნაშვილების ოჯახს უსმენენ.

ვიტალი ბალა - დარწმუნებული ვარ, რომ პუტინთან შეხვედრის შემდეგ ზელენსკი რუსეთის პრეზიდენტთან მიმართებაში ვარდისფერ სათვალეებს მოიხსნის
ქართული პრესის მიმოხილვა 10.12.2019
ბექა ინჯია - მაქსიმუმი უნდა გაკეთდეს იმისთვის, რომ არბიტრაჟისა და მედიაციის ინტიტუტების სტანდარტები საქართველოში მსხვილ ინვესტორთა მოთხოვნებს პასუხობდეს
"ორიონ ჯგუფმა" ვირტუალური ფული შექმნა - სიახლე სამშენებლო სექტორში
პროკრედიტ ბანკსა და არასამთავრობო ორგანიზაცია CENN-ს შორის თანამშრომლობის მემორანდუმი გაფორმდა
ახალი ეტაპი „ემბავუდის“ განვითარებაში