ზაზა სარალიძის ადვოკატი - სასამართლო პროცესებზე პროკურორების მხრიდან მოწმეების დაკითხვისას უხეშ ჩარევას ადგილი არ ჰქონია

სასამართლო პროცესებზე პროკურორების მხრიდან მოწმეების დაკითხვისას უხეშ ჩარევას ადგილი არ ჰქონია, - ასე უპასუხა საგამოძიებო კომისიის სხდომაზე ზაზა სარალიძის ადვოკატმა ნესტან ლონდარიძემ ირმა ნადირაშვილის შეკითხვას -სასამართლო პროცესის დროს იყო თუ არა უხეში ჩარევა პროკურორების მხრიდან მოწმეების, ან ბრალდებულების დაკითხვისას და თუ იყო ჩვენების შეწყვეტის მცდელობა.

„მოწმეების დაკითხვისას ისეთი უხეში ჩარევა, რომ ვთქვათ გაეწყვეტინებინოთ სხვა მიმართულებით წაეყვანათ, მე ასეთ ფაქტებს ვერ დავასახელებ. კიდევ ვიმეორებ არ მინდა, რომ არასწორი ინფორმაცია მოგაწოდოთ, მაგრამ ჩემთვის მთავარი იყო ერთი გარემოება, როდესაც პროცესის მიმდინარეობის დროს, რამდენიმე მოწმემ, როდესაც ჩვენებას აძლევდნენ, ითხოვა გაეყვანათ ბრალდებულები დარბაზიდან, არ დაუკმაყოფილეს ეს შუამდგომლობა და მივიღეთ ისეთი სურათი, რომ ამ ბავშვებმა მისცეს არაფრის მომცველი ჩვენება. თუმცა, ძალიან საგულისხმო იყო ის დეტალი, რომ როდესაც საუბრობდნენ იმაზე, ეკავათ თუ არა მათ ხელში რაიმე იარაღი, ამ ბავშვებმა გადახედეს ბრალდებულებს. მე ვადევნებდი თვალყურს ამას და ნათლად დავინახე როგორ გადახედეს. თუ არ ვცდები ეს იყო გ. ჯ, ოღონდ ბოლო და შემდეგ განაცხადეს, რომ მათ ხელში არაფერი დაუნახავთ. ბრალდებულებზე ვსაუბრობ“, - განცხადა ნესტან ლონდარიძემ.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 22.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
პრემიუმ ხარისხის მინების ყველაზე მსხვილი იმპორტიორი კომპანია „ჯეო გლასს“ საკუთარ მომხმარებლებს სიახლეს სთავაზობს
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს