ფრანგული მედია - პრეზიდენტობის ყოფილ კანდიდატს ფრანსუა ფიიონს და მის მეუღლეს გამოძიება ბიუჯეტის თანხების მითვისებაში ადანაშაულებს

საფრანგეთის პრეზიდენტობის ყოფილ კანდიდატს ფრანსუა ფიიონს და მის მეუღლეს გამოძიება ბიუჯეტის თანხების მითვისებაში ადანაშაულებს, - ამის შესახებ ტელეარხი BFM სამართალდამცავ ორგანოებში საკუთარ წყაროებზე დაყრდნობით იუწყება.

საფრანგეთის პოლიციის ანტიკორუფციულმა განყოფილებამ უკვე დაასრულა ძიება და მასალები სასამართლოს გამომძიებლებს გადაუგზავნა, რომლებმაც ახლა უნდა გადაწყვიტონ, გადაეცეს თუ არა საქმე სასამართლოს.

სკანდალი 2017 წლის იანვარში დამოუკიდებელ გამოცემა Le Canard enchaine-ში რამდენიმე სტატიის გამოქვეყნების შემდეგ აგორდა. გამოცემა ამტკიცებდა, რომ პენელოპა ფიიონი პარლამენტში მეუღლის თანაშემწედ ირიცხებოდა და ამისთვის ანაზღაურებას იღებდა, თუმცა „არანაირ რეალურ სამუშაოს არ ასრულებდა“. საერთო ჯამში ხელფასის სახით პენელოპა ფიიონმა დაახლოებით 500 ათასი ევრო აიღო. ფრანსუა ფიიონი ყველა ბრალდებას უარყოფდა, თუმცა ამ საქმემ წინასაარჩევნო კამპანიაზე დიდი გავლენა იქონია და 2017 წლის არჩევნებში მისი გამარჯვების შანსებს ხაზი გადაუსვა.

ვიტალი ბალა - დარწმუნებული ვარ, რომ პუტინთან შეხვედრის შემდეგ ზელენსკი რუსეთის პრეზიდენტთან მიმართებაში ვარდისფერ სათვალეებს მოიხსნის
ქართული პრესის მიმოხილვა 10.12.2019
ბექა ინჯია - მაქსიმუმი უნდა გაკეთდეს იმისთვის, რომ არბიტრაჟისა და მედიაციის ინტიტუტების სტანდარტები საქართველოში მსხვილ ინვესტორთა მოთხოვნებს პასუხობდეს
"ორიონ ჯგუფმა" ვირტუალური ფული შექმნა - სიახლე სამშენებლო სექტორში
პროკრედიტ ბანკსა და არასამთავრობო ორგანიზაცია CENN-ს შორის თანამშრომლობის მემორანდუმი გაფორმდა
ახალი ეტაპი „ემბავუდის“ განვითარებაში