ლიეტუველი ჟურნალისტები აჭარის შესახებ ბლოგებსა და რეპორტაჟებს ამზადებენ

აჭარის ტურისტულ პოტენციალს ლიეტუველი ჟურნალისტები ეცნობიან. ისინი რეგიონს აჭარის ტურიზმის დეპარტამენტის მოწვევით სტუმრობენ. აჭარის ტურიზმისა და კურორტების დეპარტამენტის ინფორმაციით, ჟურნალისტებმა უკვე დაათვალიერეს ბათუმის ძირითადი ტურისტული ღირსშესანიშნაოებები, ბათუმის ბოტანიკური ბაღი და დელფინარიუმი. დღეს კი ისინი უკვე მთიან აჭარას ეწვევიან, სადაც ადგილობრივ მარანში ქედისთვის დამახასიათებელ ღვინის სახეობებსა და ადგილობრივ კერძებს დააგემოვნებენ, ქართულ ფოლკლორს გაეცნობიან და თავადაც მიიღებენ მონაწილეობას კულინარიულ მასტერკლასებში.

„გარდა ამისა, მათი ყურადღების ცენტრში მოექცევა ქედის ძირითადი ტურისტული ღირსშესანიშნაობები, ეთნოგრაფიული მუზეუმი და გონიო-აფსაროსის ციხე-მუზეუმი. ჟურნალისტები რეგიონს 24 ივნისს დატოვებენ და უკვე ლიეტუვაში თავიანთ მაყურებლებსა და მკითხველებს გაუზიარებენ აჭარაში მოგზაურობის შთაბეჭდილებებს“, - აღნიშნულია ინფორმაციაში.

„ჩვენთვის მნიშვნელოვანია ჩვენი ქვეყნისა და რეგიონის ტურისტული პროდუქტების შესახებ რაც შეიძლება მეტი სტატია, რეპორტაჟი თუ გადაცემა მომზადდეს სამიზნე ქვეყნების რეიტინგულ მედიასაშუალებებში. ამჯერად, ჩვენ შევარჩიეთ რეიტინგული ტელეკომპანიები, ონლაინ გამოცემები და ბლოგერები ლიეტუვადან, რომლებიც აჭარაში მოგზაურობის შესახებ საინტერესო რეპორტაჟებს, სტატიებსა და ბლოგებს ამზადებენ. ჩვენ გვაქვს უნიკალური შესაძლებლობა ზღვასთან ერთად ტურისტებს შევთავაზოთ მთიანი აჭარის ტურისტული მარშრუტებიც. ჩვენი კვლევების მიხედვით სწორედ ეს ხდის აჭარას განსაკუთრებით მიმზიდველს ევროპელი ტურისტებისთვის. ლიეტუვა ჩვენთვის მნიშვნელოვანი სამიზნე ქვეყანაა სხვა ევროპულ ქვეყნებთან ერთად, სადაც გარდა პრესტურებისა გვაქვს გარე და ონლაინ რეკლამა, რაც საბოლოო ჯამში ჩვენთან ლიეტუველი ტურისტების ზრდას შეუწყობს ხელს“,- განაცხადა აჭარის ტურიზმის დეპარტამენტის თავმჯდომარის პირველმა მოადგილე თამარ კაიკაციშვილმა.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს