ლევან დადუნაშვილის ოჯახის ადვოკატი - სკოლის დირექტორი ინარჩუნებს თანამდებობას, რაც მიუღებელია

მაშინ, როდესაც მთავარი პროკურორი თანამდებობიდან გადადგა, სკოლის დირექტორი ინარჩუნებს თავის თანამდებობას, რაც ჩემთვის ძალიან მიუღებელია, - ამის შესახებ ხორავას ქუჩაზე მოკლული ლევან დადუნაშვილის ოჯახის ადვოკატმა, ხათუნა მაღლაკელიძემ პარლამენტის საგამოძიებო კომისიის სხდომაზე განაცხადა.

მისი თქმით, ის, რომ კონფლიქტი თავდაპირველად საპირფარეშოში ბულინგის ფაქტის გამო დაიწყო, სასამართლომ დაადასტურა. როგორც ადვოკატი აღნიშნავს, ამის გამო დირექტორს საკუთარი პასუხისმგებლობა უნდა ეგრძნო.

„გამოძიების ეტაპზეც გაჟღერდა ინფორმაცია, რომ ეს კონფლიქტი წამოვიდა საპირფარეშოში მომხდარი ბულინგის ფაქტთან დაკავშირებით. სასამართლომ დადასტურებულად ცნო ის ფაქტი, რომ ორი მეცხრე კლასელის - ა.ს.-ს და თ.ჩ-ს მიმართ განხორციელდა გარკვეული ტიპის ძალადობა დ.ნ.-სა და დ.ღ-ს მხრიდან. ამ კუთხით არავის რეაგირება არ მოუხდენია. ეს ბავშვები დღემდე ამ სკოლაში სწავლობენ და დისციპლინური სახდელიც კი არ შეუფარდებიათ მათთვის.

მე დირექტორისგან მორალური პასუხისმგებლობა ვერ ვიგრძენი. მაშინ, როდესაც მთავარი პროკურორი თანამდებობიდან გადადგა, სკოლის დირექტორი ინარჩუნებს თავის თანამდებობას, რაც ჩემთვის ძალიან მიუღებელია. თავისი მორალური პასუხისმგებლობა უნდა ეგრძნო მას ამასთან დაკავშირებით“, - განაცხადა ხათუნა მაღლაკელიძემ.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 21.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს