ოზურგეთის საკრებულოს შენობასთან "ერთიანი ნაციონალური მოძრაობის" წევრები და მოქალაქეები საპროტესტო აქციას მართავენ. შეკრებილები ოზურგეთის საკრებულოს დეპუტატ ბესო ქათამაძეზე თავდასხმის ფაქტს აპროტესტებენ.

აქციის მონაწილეები საკრებულოს თავმჯდომარის დავით დარჩიას და მისი მოადგილის თანამდებობიდან გადადგომას, ასევე ინციდენტში მონაწილე "ქართული ოცნების" წევრებისთვის სადეპუტატო მანდატის შეწყვეტას ითხოვენ.

ოზურგეთის საკრებულოს თავმჯდომარის კაბინეტთან მეხუთე დღეა დეპუტატები ბესო ქათამაძე და დავით მჟავანაძე შიმშილობენ.

როგორც "ნაციონალურ მოძრაობაში" აცხადებენ, გასულ კვირას საკრებულოს დეპუტატ ბესო ქათამაძეს "ქართული ოცნების" დეპუტატები ფიზიკურად გაუსწორდნენ.