გეგმური პროფილაქტიკური სამუშაოების გამო, 23 ივნისს, თბილისის ნაწილს ელექტრომომარაგება დროებით შეეზღუდება. როგორც „ინტერპრესნიუსს“ კომპანია „თელასიდან“ აცნობეს, სამგორის რაიონში 11:00 საათიდან 15:00 საათამდე შეზღუდვა შეეხება იუმაშევის ქუჩის მცხოვრებლებს.
საბურთალოს რაიონში 11:00 საათიდან 12:00 საათამდე შეზღუდვა შეეხება უნივერსიტეტის ქუჩის მცხოვრებლებს.
კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება.