ხორავას ქუჩაზე მომხდარი მკვლელობის საქმის საგამოძიებო კომისია 25 ივნისს შს წარმომადგენელ კახა სირაძესა და პროკურორ ზვიად ფხაკაძეს გამოკითხავს

ხორავას ქუჩაზე მომხდარი მკვლელობის საქმის საგამოძიებო კომისია მუშაობას 25 ივნისს განაახლებს. პარლამენტში შს სამინისტროს გამომძიებელს კახა სირაძესა და საქმის პროკურორ ზვიად ფხაკაძეს გამოკითხავენ. საქმის უშუალო გამომძიებელ-პროკურორების გამოკითხვა მომდევნო დღეებშიც გაგრძელდება.

დღეს პარლამენტის საგამოძიებო კომისიამ ხორავას ქუჩაზე მოკლული დავით სარალიძისა და ლევან დადუნაშვილის მშობლებს და მათ ადვოკატებს მოუსმინა.