ე.წ. მცირე მთავრობის კონცეფციას მასობრივი გათავისუფლებები არ მოჰყვება, - ამის შესახებ პარლამენტის რეგიონულ საკითხთა კომიტეტის თავმჯდომარემ, ზაზა გაბუნიამ პრემიერ-მინისტრისა დაუმრავლესობის სხდომის დაწყებამდე განაცხადა.

"ამ გადაწყვეტილებას მასობრივი გათავისუფლებები არ მოჰყვება. ეს არის ძალიან პრინციპული ჩვენთვის. ოპტიმიზაციის მოდელი იმგვარად შედგება, რომ ეს პროცესი მტკივნეული არ იყოს იქ დასაქმებული ადამიანებისთვის. რაც შეეხება განცხადებას, რომ შეიძლება პერსონალურად შეეხოს ეს ყველაფერი, ამას გვაჩვენებს პროცესი და კონსულტაციები", - განაცხადა ზაზა გაბუნიამ.

კითხვაზე, შესაძლოა თუ არა სამინისტროები 9-მდე შემცირდეს, გაბუნია აცხადებს, რომ ახლა კონკრეტულ ციფრებს ვერ დაასახელებს, ვინაიდან კონსულტაციები მიმდინარეობს.