კახა ოქრიაშვილი - სამინისტროების რაოდენობა მაქსიმალურად უნდა შემცირდეს

საპარლამენტო უმრავლესობის წევრი კახა ოქრიაშვილი მიიჩნევს, რომ სამინისტროების რაოდენობა მაქსიმალურად უნდა შემცირდეს. თუმცა, ოქრიაშვილს არ დაუკონკრეტებია, რომელი სამინისტრო უნდა გაუქმდეს.

"ჯერ ჩამოყალიბებული არ არის, რომელი სამინისტრო გაუქმდება. მე მომხრე ვარ, რომ მაქსიმალურად შემცირდეს სამინისტროების ოდენობა. საკადრო ცვლილებებზე ჯერ საუბარი არ ყოფილა. ამაზე გუნდს ექნება ერთი პოზიცია. გუნდი სამი ან ოთხი სამინისტროს ოპტიმიზაციაზე მსჯელობს", - აღნიშნა ოქრიაშვილმა.

პრემიერი "ქართული ოცნების" ოფისში დღეს საპარლამენტო უმრავლესობას შეხვდება.