ოთხი დღის წინ დაკარგული 32 წლის მამაკაცი უგონო მდგომარეობაში მუხლებამდე მიწაში ჩაფლული იპოვეს
დიღმის მასივში მაშველებმა 4 დღის წინ დაკარგული 32 წლის მამაკაცი ორმოდან ამოიყვანეს. საგანგებო სიტუაციების მართვის სამსახურის ინფორმაციით, მამაკაცი უგონო მდგომარეობაში მუხლებამდე მიწაში იყო ჩაფლული.
„შეტყობინება სახანძრო-სამაშველო სამსახურში, პოლიციის გლდანი-ნაძალადევის სამმართველოს თანამშრომლისგან შემოვიდა. მოქალაქე გადაყვანილია საავადმყოფოში“, - აღნიშნულია საგანგებო სიტუაციების მართვის სამსახურის მიერ გავრცელებულ ინფორმაციაში.
