თეონა ჭალიძე - ბაღებში ბავშვის დარეგისტრირება დასწრებაზე არ უნდა იყოს

მიგვაჩნია, რომ სახელმწიფომ უნდა იზრუნოს ბაღების რაოდენობის გაზრდაზე უფრო ოპერატიულად და გამონახოს ამისთვის საჭირო სახსრები, - ამის შესახებ ,,ახალი საქართველოს" სოციალური მიმართულების ხელმძღვანელმა თეონა ჭალიძემ განაცხადა. ის ბაგა-ბაღებში აღსაზრდელების რეგისტრაციასთან დაკავშირებულ ხარვეზებს გამოეხმაურა და აღნიშნა, რომ უამრავმა მშობელმა ბავშვის ბაღში დარეგისტრირება ვერ მოახერხა.

“ბავშვების ბაგა-ბაღებში რეგისტრაცია წელსაც ხარვეზებით მიმდინარეობდა. ბევრმა მშობელმა მოგვმართა ,,ახალი საქართველოს" სოციალურ სამსახურს და უკმაყოფილება საფუძვლიანია. ნაწილმა საერთოდ ვერ დაარეგისტრირა ბავშვები, ნაწილმა საცხოვრებელი ადგილიდან მოშორებით მდებარე ბაღში ძლივს მოახერხა დარეგისტრირება. საიტმა ვერ გაუძლო დატვირთვას, სერვერი გაითიშა, რამაც კიდევ უფრო გაართულა რეგისტრაციის პროცედურები. გაეროს ბავშვთა ფონდის მოსახლეობის კეთილდღეობის ბოლო კვლევამაც აჩვენა, რომ ქვეყნის მასშტაბით 14 000-მდე ბავშვი ვერ დადის ბაღში ადგილების არარსებობის გამო. მიგვაჩნია, რომ ბაღებში ბავშვის დარეგისტრირება დასწრებაზე არ უნდა იყოს. სახელმწიფომ უნდა უზრუნველყოს ყველა ბავშვის სკოლამდელი აღზრდის დაწესებულებით სარგებლობის უფლება. წლებია რეგისტრაციის ეს ფორმა მშობლებს ნერვების ფასად უჯდებათ. რიგ ბაღებში რეგისტრაციის დაწყებისთანავე ადგილების არქონა დამატებით ეჭვებს ბადებს, რომ ხელოვნურად ხდება ადგილების შევსება წინასწარ და ნაცნობობით დარეგისტრირება. ამის შესახებ ინფორმაცია კახა კალაძესთან მივიდა და გუშინ გამოეხმაურა კიდეც ამ საკითხს, თუმცა როგორც ვხედავთ მხოლოდ განცხადება საკმარისი არაა. მიგვაჩნია, რომ სახელმწიფომ უნდა იზრუნოს ბაღების რაოდენობის გაზრდაზე უფრო ოპერატიულად და გამონახოს ამისთვის საჭირო სახსრები. ბავშვებთან დაკავშირებული საკითხები პრიორიტეტი უნდა გახდეს ქვეყნისთვის. „ახალი საქართველოს" სოციალური სამსახურის ინიციატივაა ბაღებში ბავშვების რეგისტრაცია ბლოკჩეინ სისტემის გამოყენებით მოხდეს. ასეთ შემთხვევაში გამოირიცხება ყოველგვარი გაუგებრობები, ხარვეზები და გამჭვირვალე გახდება რეგისტრაციის პროცესი ყველა მოქალაქისთვის", - განაცხადა თეონა ჭალიძემ, რომლის კომენტარსაც „ახალი საქართველო“ ავრცელებს.

პაატა ზაქარეიშვილი - რუსეთი ცხინვალის რეგიონში აქტიურობით ცდილობს აიძულოს საქართველო რაღაც ფორმით გადავიდეს მოსკოვთან დიალოგის ფორმატზე
ქართული პრესის მიმოხილვა 13.09.2019
მეთიუ ბრაიზა - დიდი პრობლემაა, რომ დონალდ ტრამპი ხშირად არც კი უსმენს მის მთავარ მრჩევლებს, რომლებიც ამბობენ - „ყურადღება მიაქციეთ საქართველოს“
დენიელ ფრიდი - ამერიკა არც „პროსააკაშვილურია“ და არც „პროივანიშვილური“, ჩვენ საქართველოს მხარეს ვართ
ტექნიკის უდიდესი გამოფენა ევროპაში, სახელწოდებით IFA 2019, ბერლინში დასრულდა
პუტინს ცემახი უსათუოდ სჭირდება (R)
ვანო ჩხარტიშვილი - მამუკა ხაზარაძე ურცხვად ტყუის
„ვისოლში“, „სმარტში“, „ვენდისსა“ და „დანკინში“ Apple Pay-ის გამოყენებით VISA ბარათებით გადახდისას მომხმარებლებს საჩუქრები ელით
"რომპეტროლის" ნავთობგადამამუშავებელმა ქარხანამ „პეტრომიდიამ“ 40 წლის იუბილე აღნიშნა