ქუთაისში რამდენიმე საცხოვრებელი სახლის პირველი სართული დაიტბორა

ქუთაისში, ძლიერი ნალექისა და სეტყვის გამო, რამდენიმე საცხოვრებელი სახლის პირველი სართული დაიტბორა. საგანგებო სიტუაციების მართვის სამსახურის ინფორმაციით, სამსახურში შესულია 15 შეტყობინება. ხუთმა ინიციატორმა გამოძახება მოგვიანებით გააუქმა. მეხანძრე-მაშველებმა საცხოვრებელი სახლებიდან წყლის ამოტუმბვითი სამუშაოები დაასრულეს.

დაშავებული არავინ არის.