რეჯეფ თაიფ ერდოღანი - გაერო-ში ორი ყველაზე გამოცდილი პოლიტიკოსი მე და პუტინი ვართ

თურქეთის პრეზიდენტმა რეჯეფ თაიფ ერდოღანმა საკუთარ თავს და რუსეთის პრეზიდენტს ვლადიმერ პუტინს გაერო-ს გენერალურ ასამბლეაში ყველაზე გამოცდილი პოლიტიკოსები უწოდა.

„თუ ჩვენ გამოცდილებაზე ვსაუბრობთ, გაერო-ს გენერალურ ასამბლეაში არის ორი ყველაზე გამოცდილი პოლიტიკოსი - მე და პუტინი. თუ შევაჯამებთ პრეზიდენტის და პრემიერ-მინისტრის პოსტზე ჩვენს მიერ გატარებულ წლებს, აღმოჩნდება, რომ ამ საქმეს უკვე 15-16 წელი ვემსახურებით“, - განაცხადა ერდოღანმა ტელერადიოკომპანია TRT-თან ინტერვიუში.

მისივე თქმით, მას პუტინთან, ისევე, როგორც თურქეთს რუსეთთან - ძალიან კარგი ურთიერთობები აქვს.