ქუთაისის საერთაშორისო აეროპორტში ფართომასშტაბიანი გეგმური სწავლება გაიმართა

გვიან ღამით ქუთაისის დავით აღმაშენებლის სახელობის საერთაშორისო აეროპორტში ფართომასშტაბიანი გეგმური სწავლება გაიმართა.

როგორც „ინტერპრესნიუსს“ ეკონომიკის სამინისტროდან აცნობეს, სწავლებაში მონაწილეობა მიიღეს აეროპორტის მიწისზედა მომსახურების, ფრენების კოორდინირების, აეროდრომის, საავიაციო უშიშროების, სამედიცინო და სახანძრო სამაშველო სამსახურებმა. ასევე, სწავლებაში ჩართული იყო იმერეთის საგანგებო სიტუაციების მართვის სამსახური.

სცენარის მიხედვით, აეროპორტის მიმდებარე არაკონტროლირებად ტერიტორიაზე საჰაერო ხომალდის ავარიული დაშვება განხორციელდა. შეტყობინების მიღების შემდეგ, შემთხვევის ადგილზე შესაბამისი სამსახურების მობილიზება დროულად მოხდა და სწავლების ფარგლებში პროცედურებით გაწერილი ყველა ნორმატივი - დაწყებული ხანძრის ლიკვიდაციით, დასრულებული საჰაერო ხომალდიდან მგზავრთა უსაფრთხო ევაკუაციით განხორციელდა.

ტრიაჟის ზონაში მოხდა დაზიანებების მიხედვით დაზარალებულთა დახარისხება და შესაბამისი პირველადი სამედიცინო დახმარების ადგილზე გაწევა. ფართომასშტაბიანი გეგმური სწავლების შედეგები შესაბამისი სამსახურების ხელმძვანელებთან ერთად ქუთაისის საერთაშორისო აეროპორტის მენეჯერმა შეაფასა.

ედუარდ მნაცაკანიანის განცხადებით, ამ სახის სწავლება საქართველოს აეროპორტებში პერიოდულად ტარდება. „მსგავსი სახის პრაქტიკული სწავლების მიზანი აეროპორტებში ყველა მომსახურე პერსონალის მზადყოფნა და შესაბამისი უნარ-ჩვევების გამოვლინებაა. აეროპორტის თითოეულმა თანამშრომელმა უნდა იცოდეს, როგორ იმოქმედოს კრიტიკულ სიტუაციებში. სწორედ ამას ემსახურება ეს სწავლებები, რომელიც ქუთაისის აეროპორტში წელს უკვე არაერთხელ ჩატარდა,“ - განაცხადა ედუარდ მნაცაკანიანმა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს