ჩინეთის სამხრეთში, გუანდუნის პროვინციაში ქალაქ შანვეის სასამართლომ ნარკოდანაშაულის ჩადენაში ბრალდებულ 10 პირს სასიკვდილო განაჩენი გამოუტანა. განაჩენი სისრულეში იმავე დღეს მოიყვანეს.

10-ვე პირს ბრალად ნარკოტიკების მომზადება, გადაზიდვა და ვაჭრობა ედებოდათ.

აღსანიშნავია, რომ ჩინეთში სიკვდილით დასჯა სისხლის სამართლის კოდექსის რამდენიმე მუხლით, ძირითადად - ნარკოტიკების უკანონო ბრუნვისთვის არის გათვალისწინებული.