ირაკლი კობახიძე - მინისტრთა კაბინეტში ახალ სახეებზე საუბარი მხოლოდ მას შემდეგ იქნება შესაძლებელი, რაც პარლამენტი მთავრობის შესახებ კანონში ცვლილებებს შეიტანს

პარლამენტის თავმჯდომარის ირაკლი კობახიძის განმარტებით, მინისტრთა კაბინეტში ახალი სახეების გამოჩენაზე საუბარი მხოლოდ მას შემდეგ იქნება შესაძლებელი, რაც პარლამენტი მთავრობის შესახებ კანონში ცვლილებებს შეიტანს. ირაკლი კობახიძე ვარაუდობს, რომ საკანონმდებლო ცვლილებები ივლისის პირველ კვირაში მოხდება, რის შემდეგაც უკვე პრემიერ-მინისტრი მამუკა ბახტაძე პარლამენტს მინისტრთა კაბინეტის ახალ წევრებს წარუდგენს.

"მთავრობაში ახალ სახეებზე ჯერჯერობით ვერაფერს გეტყვით. კონსულტაციები ამ ეტაპზე მხოლოდ და მხოლოდ სტრუქტურასთან დაკავშირებით მიმდინარეობს. ჩვენ პირველ რიგში უნდა მივიღოთ კანონი, მთავრობის შესახებ კანონში ცვლილებები და მას შემდეგ, რაც ეს პროცესი დასრულდება და ეს მოხდება ივლისის პირველ კვირაში, სავარაუდოდ, ამის შემდეგ დაიწყება კონსულტაციები თვითონ მთავრობის შემადგენლობასთან დაკავშირებით. ინივიატივა აქ რა თქმა უნდა თავად პრემიერ-მინისტრ მამუკა ბახტაძეს ეკუთვნის. ის წარმოადგენს კონკრეტულ კანდიდატურებს და ამის შემდეგ გვექნება უკვე ჩვენ საპარლამენტო ფორმატში მსჯელობა", - განაცხადა ირაკლი კობახიძემ.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 21.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
პრემიუმ ხარისხის მინების ყველაზე მსხვილი იმპორტიორი კომპანია „ჯეო გლასს“ საკუთარ მომხმარებლებს სიახლეს სთავაზობს
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს