ირაკლი კობახიძე - მთავარი ამოცანაა ის, რომ მაქსიმალურად მოქნილი და მობილური იყოს სამთავრობო სტრუქტურა

მთავარი ამოცანაა ის, რომ მაქსიმალურად მოქნილი და მობილური იყოს სამთავრობო სტრუქტურა, - ამის შესახებ პარლამენტის თავმჯდომარე ირაკლი კობახიძემ ჟურნალისტებს მცირე მთავრობის შექმნის მთავარი მიზნების განმარტებისას განუცხადა.

როგორც კობახიძემ აღნიშნა, ამ ამოცანის შესრულების პარალელურად მმართველი გუნდი ხარჯების ოპტიმიზაციასა და სხვა საკითხებზეც იმსჯელებს. „მთავარი ამოსავალი წერტილი ამ ეტაპზე არის ის, რომ მართვის სისტემა მაქსიმალურად ეფექტიანი გახდეს და ლოგიკას დაექვემდებაროს ის სისტემა, რომელიც იქნება ჩამოყალიბებული მთავრობაში. კონკრეტული ლოგიკის მიხედვით უნდა განისაზღვროს ის მიმართულებები, რა მიმართულებებშიც შეიქმნება სამინისტროები. ეს არის მთავარი ამოსავალი წერტილი. რაც შეეხება თვითონ ხარჯების ოპტიმიზაციას და ა.შ. ეს რა თქმა უნდა დისკუსიის საგანია, თუმცა პირდაპირ არ არის დაკავშირებული სამინისტროების რაოდენობა ადმინისტრაციულ ხარჯვებთან. თუმცა, კონსულტაციები გრძელდება და ამასთან დაკავშირებითაც გვექნება მსჯელობა. თავარი ამოცანაა ის, რომ მაქსიმალურად მოქნილი და მობილური იყოს სამთავრობო სტრუქტურა“, - განაცხადა ირაკლი კობახიძემ.

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 24.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა