ქობულეთში ტურიზმის პოპულარიზაციის მიზნით, წელს ზაფხულის სეზონის ოფიციალური გახსნა კინტრიშის ხეობიდან დაიგეგმა

ქობულეთის ტურიზმის პოპულარიზაციის მიზნით, წელს ზაფხულის სეზონის ოფიციალური გახსნა კინტრიშის ხეობიდან დაიგეგმა.

როგორც „ინტერპრესნიუსს“ აჭარის მთავრობიდან აცნობეს, კინტრიშის ხეობა აჭარაში ტურისტულად ერთ-ერთ ყველაზე მიმზიდველ ადგილს წარმოადგენს. ღონისძიებას აჭარის მთავრობის თავმჯდომარე და მუნიციპალიტეტის ხელმძღვანელი პირები დაესწრნენ. კინტრიშის ხეობას სტუმრობდნენ ასევე ტურისტული კომპანიების წარმომადგენლები, გიდები და უცხოელი ტურისტები.

ცხემვანის ვიზიტორთა ცენტრის ტერიტორიაზე ადგილობრივი კულინარიული და ეთნოგრაფიული გამოფენები მოეწყო, ასევე გაიმართა სპორტული შეჯიბრებები, მუსიკალური პერფორმანსები ეთნო ჯაზ-ბენდ „სტუმრების“ მონაწილეობით და ტურისტებისთვის საინტერესო სხვადასხვა აქტივობა. კინტრიშის ხეობა გამოირჩევა არა მხოლოდ ბუნების მრავალფეროვნებითა და სილამაზით, არამედ ისეთი კულტურული ღირსშესანიშნაობებით, როგორებიცაა წმინდა გიორგის სახელობის მამათა მონასტერი და უძველესი ღვინის ქვევრები.

ზურაბ პატარაძის თქმით, კინტრიშის ხეობას უდიდესი პოტენციალი გააჩნია ტურიზმის მიმართულებით. „მნიშვნელოვანია, მსგავსი ტურისტული მარშრუტების პოპულარიზაცია და განვითარების ხელშეწყობა. ქობულეთი მართლაც უნიკალურ საკურორტო ზონას წარმოადგენს, სადაც ზღვა და მთა ერთნაირად მიმზიდველია და დასვენებისთვის საუკეთესო შესაძლებლობას იძლევა“, - აღნიშნა ზურაბ პატარაძემ.

ზვიად კირტავა - მთავარი მიზანი მაინც არის ინფიცირების ჯაჭვის გაწყვეტა და შემთხვევების შემცირება, ამის მიღწევის გარეშე საწოლების და პერსონალის კიდევ გაზრდაც ვერ აგვაცილებს ჯანდაცვის სისტემის გადატვირთვას
ქართული პრესის მიმოხილვა 04.12.2020
ვანო მაჭავარიანი - თუ ხელისუფლება და ოპოზიცია კოალიციური მმართველობის რაღაც ფორმაზე არ შეთანხმდნენ, ეს საქართველოსთვის უკეთესი პერსპექტივის ხელიდან გაშვებული შესაძლებლობა იქნება
საახალწლო შეთავაზება მრავალფუნქციური კომპლექსისგან "მოედანი"
ზოომარტი ექსკლუზიურად Wolt-ზე
თანამედროვე, მარტივი და უსაფრთხო ახალი ინტერნეტბანკინგი "პროკრედიტ ბანკის" მომხმარებლებისთვის