„გირჩის“ ახალი თავმჯდომარე - მოდით, გავერთოთ დღევანდელ დღეს, "გირჩის" გეგმები რაც იქნება, ერთად შევიმუშავებთ სხვა დროს, როდესაც ამის განწყობაზე ვიქნებით

"გირჩის" თავმჯდომარედ იაგო ხვიჩია აირჩიეს. კენჭისყრა და "გირჩის" დღევანდელი ყრილობა არაფორმალურ გარემოში მიმდინარეობდა. წარდგენილ კანდიდატებს შეკრებილები აპლოდისმენტებით უჭერდნენ მხარს. ახალი თავმჯდომარის თქმით, „გირჩის“ გეგმები არ იცვლება.

"გირჩის" მომავალი გეგმები არაფრით იცვლება იმის გამო, რომ თავმჯდომარე შეიცვალა. ეს სრულიად ფორმალური ნაწილია,რაზეც ჩვენ ვსაუბრობთ. მე ვრჩები იმად, ვინც ვიყავი, ზურაც იმად რჩება, ვინც იყო. მოდით, გავერთოთ დღევანდელ დღეს. "გირჩის" გეგმები რაც იქნება, ერთად შევიმუშავებთ სხვა დროს, როდესაც ამის განწყობაზე ვიქნებით", - განაცხადა იაგო ხვიჩიამ.

დღეს ყრილობაზე ასევე აირჩიეს სარევიზიო კომისიისა და პოლიტსაბჭოს შემადგენლობაც. "ხმის დამთვლელი კომისია შედგება სამი ადამიანისგან. ესენი არიან: დინანუ მირიანაშვილი, ანა გვარიშვილი და მირიან ბეჟიტაშვილი. პარტიას სჭირდება სარევიზიო კომისია, რომლის წევრებადაც წარდგენილი არიან: ანა გვარიშვილი, ნიკა ობოლაძე და ლევან ჯგერანაია. პარტიას სჭირდება პოლიტსაბჭო, რომელიც ასევე ფორმალური სტრუქტურაა და იდეაში აქამდე არაფერში დაგვჭირვებია. პოლიტსაბჭოში მინიმუმ ოთხი წევრი უნდა იყოს და წარდგენილები არიან: ზურა ჯაფარიძე, ვახო მეგრელიშვილი, იაგო ხვიჩია და მარიტა რატიანი. ბოლოს პარტიის თავმჯდომარე ორი თვე ვიყავი მე, ვადა უკვე გასული მაქვს. არ მგონია, რომ უნდა გადავიქცე ან შალვა ნათელაშვილად ან ვინმე მასეთად. მე აღარ ვიქნები პარტიის თავმჯდომარე. ეს თემა მოხსნილია. ჩემი წინადადება იყო და ყველა დამეთანხმა, რომ ეს მძიმე ტვირთი ატაროს იაგო ხვიჩიამ", - განაცხადა ზურა ჯაფარიძემ.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს