გია ვოლსკი - ვფიქრობ, პრემიერს უნდა მივცეთ უფლება, რომ თავად წარმოადგინოს კონსულტაციების შეჯამებული ვერსია

ვფიქრობ, საქართველოს პრემიერ-მინისტრს უნდა მივცეთ უფლება, რომ თავად წარმოადგინოს კონსულტაციების შეჯამებული ვერსია, - ამის შესახებ ჟურნალისტებს „ქართული ოცნების“ ოფისთან პრემიერ მინისტრისა და უმრავლესობის კონსულტაციების შემდეგ დეპუტატმა გია ვოლსკიმ განუცხადა.

„მთავარი ამოცანა გადაწყვეტილებების რაციონალიზაციაა. სამინისტროების გაერთიანების საფუძველზე იქნება ეს, როგორც უკვე იცით, მაგრამ ამასთან დაკავშირებით არის მთელი სქემა განხილული, თუ რა კონკრეტული შედეგი, რა ნაბიჯები და რა მიმართულებები უნდა განვითარდეს. ძალიან საინტერესო მსჯელობა იყო. პრემიერმა თავისი მოსაზრებები წარმოადგინა. ჩაიწერა უამრავი მოსაზრება, რომელიც ჩვენგან მიიღო. ვფიქრობ, მას უნდა მივცეთ უფლება, რომ თავად წარმოადგინოს შეჯამებული ვერსია. რასაკვირველია, ძირითადი კონტურები უკვე ყველასთვის ნათელია“, - განაცხადა საპარლამენტო უმრავლესობის ერთ–ერთმა ლიდერმა გია ვოლსკიმ.